Kún saıyn 200-den astam stýdentke koronavırýsqa qarsy vaksına salynýda. Bul týraly Almaty qalasynyń bas sanıtarlyq dárigeri Jandarbek Bekshın Óńirlik komýnıkasıalar qyzmetiniń brıfıńinde aıtty dep habarlaıdy almaty-akshamy.kz
Jandarbek Bekshınniń aıtýynsha, kóptegen stýdentter belsendi túrde vaksınalanýdy oqý jyly bastalmaı turyp-aq bastady. Mysaly, maýsym aıynda birinshi komponentpen 4 676 adam, shildede 7 872 stýdent, tamyzda 4 733 adam egildi.
Jalpy stýdentterdiń 93,7%-y birinshi komponent, al 79,4%-y ekinshi komponent saldyrdy.
«Stýdentter vaksınalaný – bul ózderin ǵana emes, jaqyndaryn qaýipti aýrýdan qorǵaýdyń qarapaıym, tıimdi ádisi ekenin túsinedi», - dedi Jandarbek Bekshın.
Stýdentter men ekpe saldyrýǵa tilek bildirýshi turǵyndar Almatydaǵy 160 ekpe ortalyǵynyń birine júgine alady.
Atap ótsek, 2021 jyldyń 1 aqpanynan 1 qyrkúıegine deıingi kezeńde Almatyda birinshi komponentpen 875 165 adam, al ekinshi komponentpen 741 412 adam egildi. Vaksınalanǵan adamdardyń jalpy sanynan 60 jastan asqandar 110 236 adamdy quraıdy.
Jandarbek Bekshın jaqyn arada Almaty emhanalarynda tumaýǵa qarsy vaksınalaý bastalatynyn aıtty. Qazirgi ýaqytta reseılik «Grıppol+» vaksınasynyń 180 myń dozasyn satyp alýǵa ótinim berildi.