Reseılik erli-zaıypty qos azamattyǵy úshin elden shyǵaryldy.
Almaty qalasy áýejaıyndaǵy jelilik polısıa bólimi kóshi-qon bólimshesiniń qyzmetkerleri Qazaqstan Respýblıkasynyń azamattyq týraly zańnamasyn buzǵandary úshin Reseı Federasıasynyń 69 jáne 71 jastaǵy azamattaryn ákimshilik jaýapqa tartty, dep habarlaıdy Almaty-akshamy.kz Polisia.kz-ke silteme jasap.
Erli-zaıyptylarǵa qatysty QR ÁQBtK-niń 496-babynyń 2-bóligimen ákimshilik materıaldar toltyryldy.
«Almaty qalasynyń Ákimshilik quqyqbuzýshylyqtar jónindegi mamandandyrylǵan aýdanaralyq sotynyń qaýlysymen sheteldik azamattarǵa 5 jyl merzimge QR aýmaǵyna kirýge tyıym salý belgilenip, Qazaqstan Respýblıkasynan tys jerge shyǵaryp jiberý túrinde jaýapqa tartyldy», – deıdi Kóliktegi polısıa departamenti bastyǵynyń birinshi orynbasary Madıar Aıtýǵanov.
Esterińizge sala keteıik, osy jyldyń basynan beri kólik polıseıleri Qazaqstan Respýblıkasynyń kóshi-qony salasyndaǵy zańnamasyn buzǵan 986 azamatty, onyń ishinde qos azamattyǵy bar 38 adamdy ákimshilik jaýapkershilikke tartqan. Sondaı-aq, sot qaýlysymen 155 sheteldik elden tys shyǵaryldy.