Mundaı jarys elimizde tuńǵysh ret uıymdastyrylyp otyr.
Almatyda múgedekter arbasyndaǵy tenısten Qazaqstan birinshi kýbogy ótti, dep habarlaıdy, Almaty-akshamy.kz.
Úsh kún boıy ótken saıysqa Almaty, Astana, Qaraǵandy, Aqtaý, Aqtóbe jáne Oral qalasynan 25 sportshy qatysty. Jarystyń jeńimpazdary marapattaldy. Úzdik nátıje kórsetken sportshylar bıyl maýsym aıynda Italıada Alghero Open halyqaralyq týrnırinde el namysyn qorǵaıdy.
Sondaı-aq qajetti upaıdy jınaǵan sportshylar qazaqstandyq sportshylar qyrkúıekte Qytaıdyń Hanchjoý qalasynda ótetin Parazıa oıyndaryna qatysýǵa múmkindik alady. 1 jyldan astam ýaqyt buryn Qazaqstan tenıs federasıasynyń janynan Inklúzıvti damytý departamenti qurylǵan edi. Federasıa búginge deıin birneshe iri týrnır ótkizip te úlgerdi.