Almatydaǵy karantındik baqylaý toby áıgili reseılik bloger Gýseın Gasanovtyń qatysýymen ótken is-sharany qalanyń oıyn-saýyq oryndarynyń birinde toqtatty. Bul týraly Sybaılas jemqorlyqqa qarsy qyzmet janyndaǵy arnaıy monıtorıń toby tóraǵasynyń orynbasary Rafael Hasanov málimdedi, dep habarlaıdy Almaty-akshamy.kz.
«Keshe qalada kúsheıtilgen baqylaý júrgizildi. Bul kún saıyn júzege asyrylady. Keshke Remızovka baǵytynda biz kelgen mekemelerdiń birinde Gýseın Gasanov jastar arasynda boldy. Biz olardyń dýmanynyń shyrqyn buzdyq, - dedi Hasanov.
Sonymen qatar ol jastardyń jedel túrde mekemeden ketip qalǵanyn qosty. Soǵan qaramastan, arnaıy monıtorıń toby tóraǵasynyń orynbasary ýákiletti organdardy keshtiń uıymdastyrýshylary men qonaqtaryn jaýapkershilikke tartýǵa shaqyrdy.
«Men reseılik blogerge qalada shekteý sharalary kúshinde ekenin eske salǵym keldi. Al onyń keshegi áreketi maǵan qolaısyz bolyp kórindi. Men mundaı karantın tártibin buzýǵa Qazaqstan Respýblıkasynyń aýmaǵynda jol berilmeıdi dep sanaımyn. Elge kelgen kez kelgen qonaq qoldanystaǵy zańdardy saqtaýy kerek. Onyń qansha jazylýshysy bolsa da, eshkimge mundaı áreketke barýyna jol berilmeıdi», - dedi Hasanov.