«Kóp mádenıetti álemdegi balalar men kitaptar» atty İİİ Halyqaralyq kongres 26-27 qyrkúıekte Dostyq úıinde ótedi. Qatysýshylar balalar arasynda kitap oqýdy nasıhattaý máselelerin talqylaıdy, zamanaýı balalar ádebıetin orys tilinen qazaq tiline jáne kerisinshe aýdarý boıynsha birlesken jobalardy iske qosý týraly kelisedi.
Uıymdastyrýshylar Qazaqstandaǵy balalar ádebıetin ilgeriletý boıynsha pedagogtardy, kitaphanashylardy, baspagerler men aýdarmashylardy biriktirýdi, balalardyń kitap oqýy men ulttyq ádebı murany saqtaý máselelerin talqylaýdy maqsat etedi.
Spıkerler: ǵylym doktorlary men kandıdattary, balalar jazýshylary, profesorlar men fılologıa mamandyǵynyń stýdentteri túrli taqyryptarda baıandamalar jasaıdy. Olardyń ishinde «Oqýshylardy kórkem ádebıetti oqýǵa yntalandyrý joldary», «Otbasylyq oqýǵa kitap izdeý», «Balalarǵa arnalǵan M.Maqataevtyń poezıasy» jáne t. b. bar.
Kongres baǵdarlamasynda Ázirbaıjan, Izraıl, Italıa, Qazaqstan, Qytaı, Qyrǵyzstan, Reseı Federasıasy, Ózbekstan, Japonıadan kelgen 150-den astam qatysýshy eki kún boıy onlaın jáne oflaın rejıminde kelesi baǵyttar boıynsha jumys isteıdi:
- Balalar ádebıeti: bolashaqtyń syn-qaterleri;
- Balalyq shaq mádenıeti jáne qazirgi qoǵamnyń ómir salty;
- Balalar kitaptaryndaǵy el men halyq tarıhynyń kórinisi;
- Kishkentaılarǵa arnalǵan balalar ádebıeti: jańa tásilder men formattar;
- Aýdarma aınasyndaǵy balalar ádebıeti.
İs-sharaǵa Almaty qalasy bilim basqarmasynyń, respýblıkalyq kitap palatasynyń ókilderi, balalar kitaptaryn shyǵarýshylar, sondaı-aq qoǵamdyq birlestikter men qaýymdastyqtardyń ókilderi qatysady.
Kúni men orny:26-27 qyrkúıek 10:00-17: 00 saǵ.
Áýezov kóshesi, 175, I. Krylov atyndaǵy qalalyq balalar kitaphanasy. konferens-zaldar (2 jáne 3 qabattar).
T. Júrgenov atyndaǵy QazUÓA kitaphanasy. Kishi kitaphana (Almaty, Panfılov kóshesi, 127, 1 qabat)
Ashylýy: 26 qyrkúıek saǵat 9: 00-de Qazaqstan halqy Assambleıasynyń respýblıkalyq Dostyq úıi (Almaty q., Qurmanǵazy k-si, 40 /Tólebaev kóshesiniń qıylysy).
Aqparat úshin baılanys:
Amanjolova Jemma, forýmdy uıymdastyrýshy +77759494940
Farıza Ábdiraıymova + 77779454036 poshta: altair.chba@gmail.com
Kongresti uıymdastyrýshylar:
- Qazaqstan halqy Assambleıasynyń ǵylymı-saraptamalyq keńesi (Astana q., Qazaqstan)
- T. Júrgenov atyndaǵy Qazaq Ulttyq óner akademıasy (Almaty q., Qazaqstan)
- "Altair" balalar kitaptary akademıasy (Almaty q., Qazaqstan)
- "Mır cherez dýhovnost qoǵamdyq birlestigi (Astana q., Qazaqstan)