Urynyń qańtar oqıǵasy kezinde de tonaýǵa qatysqany anyqtaldy
Belgili bolǵandaı, qalanyń Naýryzbaı aýdanynda eki múliktik qylmys oryn alǵan. Qaskóı túnde jeke úıdiń sharbaqtarynan sekirip júrgen. Kóshe kameralarynyń birine bógde aýmaqqa kirý sáti túsip qalǵan, dep habarlaıdy Almaty-akshamy.kz Polisia.kz-ke silteme jasap.
«Ádette, jeke sektorda, óz úıiniń aýlasynda kólik ıeleri esikti kiltke qulyptamaıdy. Qaskóı osyny paıdalandy. Kóliktiń salonyn muqıat “teksergen” ol kez kelgen qundy dúnıeniń bárin alyp ketken. Qojaıyndary uıyqtap jatqanda úıge kirip, baǵaly zattardy da alyp ketken. Jedel izdestirý is-sharalary barysynda jedel ýákilder kúdiktini ustady. Ol Túrkistan oblysynyń týmasy, 30 jastaǵy O.esimdi azamat bolyp shyqty. Osy derek boıynsha sotqa deıingi tergeýdiń biryńǵaı tizilimine QR QK-niń 188-baby 3-bóligine (Urlyq) sáıkes qylmystyq is tirkeldi. Tergeýshiler istiń mán-jaıyn anyqtap, ustalǵan azamattyń qalada jasalǵan osyǵan uqsas qylmystarǵa qatysy bar-joǵyn tekserýi kerek. Ázirge kúdikti PD-niń ýaqytsha ustaý ızolátoryna qamaldy», – dedi Naýryzbaı aýdandyq PB bastyǵy Dıdar Ahanov.
Sonymen qatar, tergeýdiń osy kezeńinde ustalǵan azamattyń qańtar oqıǵasy kezinde jasalǵan tonaýǵa qatysy bar ekendigi dáleldendi.
«Sol kezde ol sýpermarketten azyq-túlik salynǵan birneshe arbany alyp shyqqan. Bul qylmystyń jasalǵan sáti de beınebaqylaý kameralaryna jazylyp qalǵan. Tikeleı aıǵaqtarmen áshkerelengen kúdikti óz kinásin moıyndap, istegen isine tolyqtaı ókinetinin málimdedi», – dedi Ahanov.