300-den asa jas muraǵatshylary qatysady.
Almatyda jas arhıvshilerdiń V halyqaralyq jazǵy mektebi bastaldy. İs-shara Qazaqstan Respýblıkasy Prezıdenti arhıviniń bazasy negizinde ótkizilip jatyr, dep habarlaıdy Almaty-akshamy.kz Almaty.tv silteme jasap.
Oǵan Ázirbaıjan, Reseı men Armenıa jáne kórshiles memleketterdiń 300-den asa jas muraǵatshylary qatysady. Baǵdarlamaǵa sáıkes, sheberlik sabaqtary 17 maýsymǵa deıin jalǵasady.
«Sharanyń maqsaty – arhıv salasyndaǵy jas mamandardyń biliktiligin arttyrý. Olardy jańa zamanaýı tehnologıalar men arhıv salasyndaǵy jańa ádistermen tanystyrý jáne halyqaralyq qatynastardy damytý bolyp tabylady», – dedi QR Prezıdenti arhıvi oqý-ádistemelik ortalyǵynyń basshysy Muhammed Jylgeldınov.