Almatynyń barlyq aýmaǵynda jańa zamanaýı mektep stadıondary men oıyn alańdary paıda bolady. Qazirgi ýaqytta 40-tan astam qalalyq mektep alańdary qaıta jańartylýda. Bul týraly óńirlik komýnıkasıalar qyzmetinde ótken brıfıńte qalalyq bilim basqarmasynyń basshysy Lázzat Jylqybaeva aıtty, dep habarlaıdy almaty-akshamy.kz
Lázzat Jylqybaevanyń aıtýynsha, qazirgi tańda sportpen shuǵyldaný, salaýatty ómir salty basqarma jumysynyń negizgi baǵyttarynyń biri bolyp tabylady.
«Biz joǵary deńgeıdegi sporttyq baǵyttaǵy qaýipsiz alańdar jasaǵymyz keledi», - dedi bilim basqarmasynyń basshysy.
Lázzat Jylqybaeva Almaty qalasy bilim basqarmasy memlekettik-jekemenshik áriptestik jobasy aıasynda qazirgi ýaqytta №10, 42, 63, 93, 94, 104, 128, 173, 181, 189 mektepterdiń 8 sport alańyn jáne kóp salaly kolejdi jańǵyrtýda ekenin basa aıtty.
«Investısıa kólemi 400 mıllıon teńgeden asady. Buǵan deıin osy jobalar aıasynda №40 jáne 95 mektepterdiń aýmaǵynda sport alańdary jańartyldy», - dedi bilim basqarmasynyń basshysy.
Lázzat Jylqybaevanyń aıtýynsha, jańa sport alańdary mektep oqýshylaryn qyzyqtyratyn orynǵa aınalady. Sondyqtan jergilikti búdjet esebinen 2021 jyly 33 mekteptiń - №151, 185, 179, 169, 184, 149, 82, 180, 182, 133, 130, 16, 67, 144, 34, 90, 38, 60, 69, 102, 66, 29, 28, 98, 186, 192, 187, 32, 71, 89, 106, 83 jáne №1 balalar úıindegi sport alańdary jańǵyrtylýda. Bul sharalarǵa jergilikti búdjetten 1 mlrd astam teńge qarastyrylǵan.
Bıyl Almaty qalasy ákimdiginiń memlekettik tapsyrysymen qala mektepterinde oqýshylarǵa arnalǵan sport seksıalary uıymdastyrylady. Aıta keterligi, jattyqtyrý jumysymen aınalysatyn dene shynyqtyrý muǵalimderiniń aılyqtaryna ústemaqy qosylady.