Ol saıtqa uıaly telefon satyp alý týraly habarlandyrýlar shyǵarǵan.
Almada 33 jastaǵy er adam jalǵan tólem túbirtekterimen telefondardy satyp alǵan, – dep habarlaıdy Almaty-akshamy.kz Polisia.kz-ke silteme jasap.
Qalalyq polıseıler Almatynyń keminde úsh turǵynyn aldap ketken 33 jastaǵy er adamdy ustady. Tártip saqshylarynyń aıtýynsha, T.esimdi azamat saıtqa uıaly telefondardy satyp alý týraly habarlandyrýlar ornalastyrdy. Áleýetti klıentpen kezdesýde ol banktiń qoldan jasalǵan túbirtegin kórsetip, aqshanyń bir táýlik ishinde túsetinine sendirip, taýardy alyp, belgisiz baǵytqa jasyrynǵan.
Ó
«Jedel izdestirý is-sharalary barysynda kúdikti ustaldy. Qazir tergeýshiler alaıaqtyq boıynsha 3 derekti anyqtady. Sotqa deıingi tergeýdiń biryńǵaı tizimine QR QK-niń 190-baby 3-bóliginiń 4-tarmaǵyna (Alaıaqtyq) sáıkes, qylmystyq is tirkeldi. Kúdikti buryn osyǵan uqsas qylmystardy jasaǵany úshin sotty bolǵan, – dedi Naýryzbaı aýdandyq polısıa basqarmasynyń bastyǵy Danıar Meńdebaev.
Qazir kúdiktiniń qalada jasalǵan osyǵan uqsas qylmystarǵa qatysy bar-joǵy tekserilýde. Osyǵan baılanysty polısıa qyzmetkerleri ustalǵan azamattyń sýretin muqıat qarap shyǵýlaryńyzdy suraıdy. Onyń áreketinen zardap shekkenderdiń barlyǵyn tártip saqshylary myna telefon nómirlerine habarlasýǵa shaqyrady: 8-707-447-07-50; 8-747-699-70-02.