Almaty polısıasy Qytaıdan taýar alyp kelemin dep 36 adamdy san soqtyrǵan iri alaıaqtyqtyń qurbandaryn izdep jatyr.
Birqatar alaıaqtyq jasady degen kúdikke 28 jastaǵy azamatsha ilikti. Qylmystyq is materıaldarynan belgili bolǵandaı, áıel adam Qytaıdan halyq tutynatyn taýarlardy jetkizgeni úshin azamattardan aqsha alǵan, dep habarlaıdy Almaty-akshamy.kz Polisia.kz-ke silteme jasap.
«QR QK-niń 190-baby 4-bóligi (Alaıaqtyq) boıynsha tirkelgen tergeýdiń osy kezeńinde, resmı aryz bergen 36 adam jábirlenýshi dep tanyldy. Bul – jetkizýshi men satyp alýshylar arasynda menedjer (deldal) qyzmetin atqaratyn satyp alýshylar. Keltirilgen materıaldyq shyǵyn kólemi anyqtalyp jatyr. Jábirlenýshilerdiń budan da kóp bolýy múmkin ekendigin joqqa shyǵarmaımyz. Osyǵan baılanysty, biz olardy myna telefondar arqyly habarlasýǵa shaqyramyz: 8-775-222-24-51; 8-777-080-97-97 jáne 8-701-125-38-30», – dedi Alataý aýdandyq polısıa basqarmasynyń bastyǵy Esen Ysqaqov.
QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.