Memleket basshysynyń tapsyrmasy aıasynda JOO oqytýshylarynyń jalaqysy ósti, dep habarlaıdy Almaty-akshamy.kz
«Memlekettik joǵary oqý oryndarynda qosymsha aqylar men ústemeaqylardy eskere otyryp, pedagogıkalyq oqytýshy quramnyń jalaqysy 160,7 myń teńgeden 210,1 myń teńgege deıin nemese 30,7 paıyzǵa, ulttyq joǵary oqý oryndarynda 228,8 myń teńgeden 283,7 myń teńgege deıin nemese 24 paıyzǵa kóterildi», – delingen mınıstrliktiń Ashyq NQA portalynda jarıalanǵan qujatqa bergen túsindirme jazbasynda.
Sóıtip, oqytýshylar men ǵalymdardyń jalaqysy 50-60 myń teńgege artty. Jalaqyny ósirý memlekettik bilim tapsyrysynyń qunyn arttyrý esebinen júzege asyrylǵan.
Ǵylym jáne joǵary bilim mınıstrligi usynǵan túrli mamandyqtar boıynsha bilim granttary qunynyń kestesinen bir memlekettik bilim tapsyrysynyń quny shamamen 100 myń teńgege artqanyn baıqaýǵa bolady.