Almatyda batýttaǵy gımnastıkadan kezekti, ıaǵnı, 6-shy Qazaqstan spartkıadasy máresine jetti.
Tórt jylda bir ótetin baıraqty básekege 9 aımaqtan 120-ǵa jýyq qatysýshy jınaldy. Olar birneshe kún boıy jekeleı, juptyq jáne komandalyq syndarda ózara myqtyny anyqtady, dep habarlaıdy Almaty-akshamy.kz 24.kz-ke silteme jasap.
Nátıjesinde akrobatıkalyq jolaqta sekirýde Vıtalıa Smotrıkova men Zýhrıddın Imamov, batýtta sekirýde Vıktorıa Býtolına men Danıl Musabaev, al, qos mınıtrampta Ekaterına Hohlova men Igor Grachev jeńimpaz atandy. Jalpy esepte Qaraǵandy oblysynyń quramasy top jardy. Úzdik úshtikti Shymkent qalasy men Pavlodar oblysynyń ókilderi túıindedi. Jarys qorytyndysy boıynsha jeńiske jetken sportshylarǵa reıtıńtik upavı beriledi. Buǵan qosa osy qyz-jigitterden ulttyq qurama jasqatalyp, aldaǵy halyqaralyq jarystarǵa daıyndyqty bastaıdy.
«El spartakıadasy aımaqtardan jınalǵan sportshylardyń sheberligin shyńdaýǵa kómektesti. Al quramadaǵy kásipqoı sportshylar úshin babyn joǵaltpaı, tájirıbesin jetildirýge keremet múmkindik berdi. Barlyq sportshynyń qarym-qabiletin tyńǵylyqty baqyladyq. Óte jaqsy kórsetkishter tirkeldi. Laıyqty izbasarlar ósip keledi», - deıdi ulttyq quramanyń bas bapkeri Sergeı Vertánkın.