1 myńǵa jýyq taqyryptyq broshúralar taratyldy.
Almaty polıseıleri men eriktiler 900-den astam esirtki jarnamasyn joıdy, dep habarlaıdy Almaty-akshamy.kz.
İshki İster mınıstrliginiń resmı saıtyndaǵy málimet boıynsha, trafaretti jarnama sharasy qalanyń Almaly, Bostandyq, Jetisý, Medeý jáne Túrksib aýdandarynyń aýmaǵynda ótti. Oǵan polısıa qyzmetkerleri, eriktiler jáne janashyr azamattar qatysty.
«Aıtpaqshy, eriktiler men belsendiler - esirtki qylmysymen kúrestegi bizdiń turaqty seriktesterimiz. Qoǵam zań ústemdigin nasıhattap, óskeleń urpaqtyń salaýatty ómir súrý qaǵıdattaryn damytyp, nyǵaıtýǵa zor úles qosqanda óte mańyzdy. Bir mezgilde qalanyń bes aýdanynyń turǵyn úı alqabyn qamtyǵan bul shara barysynda esirtki jarnamasy bar 900-den astam graffıtı jazýlary joıyldy. Sondaı-aq, shahar turǵyndary arasynda 1 myńǵa jýyq taqyryptyq broshúralar taratyldy», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Sonymen qatar, polıseıler aty-jónin atamaý shartymen azamattar esirtki satatyn adamdar, sondaı-aq esirtki jarnamasy qoldanylatyn oryndar týraly aqparatty habarlaı alatyn «jedel jeli» telefonyn eske saldy: 8-705-549 -70-25.