Qazaqstanda Telegram jáne VKontakte platformalarynda jumys isteıtin tanymal tanysý boty "Daıvınchık" buǵattalmaq, - dep habarlaıdy aqshamnews.kz tilshisi.
Almaty prokýratýrasy jas shektemeıtin jáne kámeletke tolmaǵandardyń qaýipsizdigine qater tóndiretin "Daıvınchık tanysý" atty Telegram-arnany anyqtaǵan.
"Prokýratýra sotqa bul resýrstyń jumys isteýin zańsyz dep taný jáne onyń Qazaqstan aýmaǵyndaǵy qyzmetine tyıym salý týraly talap-aryz engizdi", - dep jazylǵan habarlamada.
Sonymen qatar, kámeletke tolmaǵan qyzǵa qatysty qylmystyq is sotqa joldanǵan.
"Tergeý nátıjesinde kámeletke tolmaǵan qyz 2025 jyly sáýirde tanysý saıtyna tirkelip, bir azamatpen tanysyp, keıin ol qyz balaǵa qatysty quqyqqa qaıshy áreketter jasaǵany anyqtaldy", - dep jazylǵan habarlamada.