Memleket basshysy Óner ortalyǵyna bardy, - dep habarlaıdy aqshamnews.kz tilshisi.
Memleket basshysy kórermen zalyn aralap kórip, oblystyq sımfonıalyq orkestrdiń daıyndyq barysyn tamashalady.
Myń orynǵa arnalǵan kóp fýnksıonaldy Óner ortalyǵy byltyr ashylǵan. Keń ári zamanaýı úlgidegi ǵımarat qurylysyna 3,7 mıllıard teńge jumsalǵan.
Munda konsertter, shyǵarmashylyq keshteri men túrli qoǵamdyq is-sharalar uıymdastyrylady. Ortalyqta birneshe shyǵarmashylyq ujym ornalasqan.
Qasym-Jomart Toqaevqa 2022 jyldan beri oblysta 18 mádenıet nysany ashylǵany týraly málimet berildi. Sonyń ishinde 7 zamanaýı "Rýhanıat" ortalyǵy, mýzykalyq kolejdiń jańa ǵımaraty, oblystyq tarıhı-ólketaný mýzeıi men shalǵaı eldi mekenderde mádenıet úıleri salyndy.
Ákimdik mádenıet salasy qyzmetkerlerin baspanamen qamtý, mamandardyń biliktiligin arttyrý jáne ozyq tájirıbeni engizý baǵyttary boıynsha júıeli jumys júrgizip jatyr.