Qala mektepterine 14 myń 866 beınebaqylaý kameralary ornatylǵan.
Almaty polısıasy mekteptegi balalardyń qaýipsizdigi týraly aıtty, – dep habarlaıdy aqshamnews.kz Polisia.kz-ke silteme jasap.
Jergilikti polısıa qyzmetiniń habarlaýynsha, jalpy bilim beretin mektepterde oqýshylardyń qaýipsizdigin qamtamasyz etýmen 30 jeke kúzet uıymy aınalysady, olardyń qyzmetin departament qadaǵalap, baqylaıdy.
Balalardyń qaýipsizdigin qadaǵalaý úshin qala mektepterine 14 myń 866 beınebaqylaý kameralary ornatylyp, PD jedel basqarý ortalyǵyna shyǵarylǵan. Sondaı-aq bólimde jyl basynan beri kámeletke tolmaǵandar arasyndaǵy qylmystyń 4,2%-ǵa tómendegenin atap ótti.
Arnaıy komısıalardyń otyrystarynda kámeletke tolmaǵandardyń múddesi úshin ártúrli derekter boıynsha 326 materıal qaralyp, onyń sheshimimen 40 ata-anaǵa ata-ana quqyǵynan aıyrý túrindegi shara qoldanyldy, taǵy 1 myń 337 ata-ana balalardy tárbıeleý jónindegi mindetterdi tıisinshe oryndamaǵany úshin ákimshilik jaýapkershilikke tartyldy.