Almaty polısıasy kafe, bar men túngi klýbtardy tekserdi.
Jergilikti is-shara negizinen oıyn-saýyq mekemelerinde júrgizildi, dep habarlaıdy Almaty-akshamy.kz Polisia.kz-ke silteme jasap.
«Sondaı-aq tekserý birden birneshe baǵytta: kalándy paıdalaný, kámeletke tolmaǵandardyń túngi ýaqytta oıyn-saýyq mekemeleri men kompúterlik klýbtarda bolýy, saǵat 23.00-den keıin alkogól ónimderin satý boıynsha júrgizildi. Bul shara, eń aldymen, qoǵamdyq tártipti buzý derekteriniń jolyn kesýge jáne quqyqbuzýshylyqtyń aldyn alýǵa baǵyttalǵan. Eger naqty aqparatqa júginer bolsaq, Almaly aýdanyndaǵy 10 mekemede kalán qoldanýdyń 38 deregi anyqtalsa, kámeletke tolmaǵandardyń túngi ýaqytta oıyn-saýyq oryndarynda bolýynyń 27 deregi tirkeldi. Al Medeý aýdanynda kalán qoldanýdyń 43 deregi tirkeldi», – dedi Almaty qalalyq PD Jergilikti polısıa qyzmeti basqarmasynyń bastyǵy Erjan Uzabaev.
Sonymen qatar shahardyń ortalyǵynda jezókshelikpen aınalysýǵa arnalǵan eki úı anyqtaldy. Ol jerde 7 jeńil júristi áıel jumys istegen.