Memleketke keltirilgen zalal úshin aıyppul salyndy.
Almaty oblysynda zańsyz ań aýlaǵandar anyqtaldy, – dep habarlaıdy Almaty-akshamy.kz Polisia.kz-ke silteme jasap.
Balqash aýdanynyń aýmaǵynda «Brakoner» jedel aldyn alý is-sharasyn ótkizý barysynda tártip saqshylary zańsyz aýlanǵan balyq, jabaıy úırek, qoıan jáne qasqaldaq tıelgen úsh avtokólikti ustady. Kúdiktilerdi ustaý Baqanas-Qaroı avtojolyn patrúldeý kezinde júrgizildi. Quqyq qorǵaý organdary toqtatqan Mercedes, Nissan jáne Mazda kóliginiń salonynan bir qap túrli balyq, jabaıy úırek, qoıan jáne qasqaldaq tabyldy. Olardy aýlaýǵa jáne tasymaldaýǵa ustalǵandar qandaı da bir ruqsat qujattaryn usyna almady. Sondaı-aq oq-dárileri bar 3 ańshy myltyǵy tárkilendi. Derek Balhash aýdanynyń polısıa bóliminde tirkelip, ol boıynsha QR QK 337-babynyń 1-bóliminde kózdelgen sotqa deıingi tergeý amaldary bastaldy.