Qorǵanys mınıstri nusqaýlar berdi.
Desanttyq-shabýyldaý áskerleriniń bólimsheleri «Batyl toıtarys – 2022» keshendi vedomstvoaralyq strategıalyq komandalyq-shtabtyq oqý-jattyǵýynyń negizgi kezeńinde qalalyq jaǵdaıda jaýyngerlik is-qımyl júrgizýdiń taktıkalyq tásilderin pysyqtady, dep habarlaıdy Almaty-akshamy.kz.
Eldi mekenderde urys júrgizýdiń ereksheligi jeke quramnyń daıarlyq deńgeıiniń joǵary bolýyn talap etedi. Osyǵan baılanysty oqý-jattyǵý barysynda áskerler qyzmetiniń atalǵan baǵytyna erekshe nazar aýdaryldy.
«Oqý-jattyǵýdyń jospary boıynsha barlaý, artılerıalyq, ınjenerlik-saperlik bólimshelerdiń jáne ushqyshsyz basqarylatyn qurylǵylardyń eseptoptarymen kúsheıtilgen desanttyq-shabýyldaý batalóny quramyndaǵy batalóndyq taktıkalyq top arnaıy operasıalar kúshteri men Ulttyq ulannyń áskerı qyzmetshilerimen birge is-qımyl jasaı otyryp, bandalyq toptar basyp alǵan eldimekendi azat etý tapsyrmasyn oryndady», - delingen Qorǵanys mınıstrliginiń baspasóz qyzmetiniń habarlamasynda.
Aýmaqty barlaǵannan keıin desantshylar armıa avıasıasyndaǵy tikushaqtar tobynyń kómegimen shartty qarsylasty aınalyp ótip, oǵan oq jaýdyrdy.
Injenerlik-saperlik bólimsheler ǵımarattarda kiretin joldy, azat etilgen nysandardy mınadan tazartyp, negizgi kúshterdiń alǵa jyljýyn qamtamasyz etti.
Barlyq ǵımarattardy alǵan soń Ulttyq ulan bólimsheleri jumysqa kiristi: Olar eldi mekendi tazartyp, qoǵamdyq tártipti saqtaý sharalaryn uıymdastyrdy.
Oqý-jattyǵýdyń belsendi kezeńine qatysqan Qazaqstan Respýblıkasynyń Qorǵanys mınıstri, general-leıtenant Rýslan Jaqsylyqov áskerı qyzmetshilerdiń daıarlyq deńgeıin baǵalap, oqý-jaýyngerlik tapsyrmalardy birlesip oryndaý barysynda kúshtik qurylymdardyń ózara is-qımylyn qoldaý jóninde nusqaýlar berdi.
«Batyl toıtarys – 2022» vedomstvoaralyq strategıalyq komandalyq shtabtyq oqý-jattyǵýy el Prezıdenti – Qarýly Kúshterdiń Joǵarǵy Bas qolbasshysy Qasym-Jomart Toqaevtyń kúshtik qurylymdardy tıimdi úılestirýdi qamtamasyz etý, olardyń jedel jáne áskerı-tehnıkalyq úılesimdiligin jolǵa qoıý, sondaı-aq vedomstvoaralyq úılestirýdi kúsheıtý jónindegi tapsyrmalaryn iske asyrý aıasynda ótkizilip jatqanyn esterińizge sala keteıik, - delingen habarlamada.
