Almatydan 40 shaqyrym jerde áıgili ıspandyq klýbtyń akademıasy óz jumysyn bastady, dep habarlaıdy aqshamnews.kz
Munda Qazaqstannyń ár óńirinen iriktelgen 120 jas fýtbolshy ıspan fýtbolynyń ádistemesi boıynsha daıyndalady. Oqýshylardy tańdaýda olardyń fızıkalyq daıyndyǵymen qatar psıhologıalyq qabiletterine de mán berildi.
Akademıa zamanaýı ınfraqurylymmen qamtylǵan: jattyǵý alańdary, dene shynyqtyrý zaldary jáne teorıalyq sabaqtarǵa arnalǵan aýdıtorıalar bar. Jasóspirimderdiń bir bóligi grant negizinde bilim alsa, qalǵandary aqyly túrde oqıdy.
2026 jyldan bastap akademıa tárbıelenýshileri el chempıonattaryna, sondaı-aq QJ-lıgasy men halyqaralyq týrnırlerge qatysady. Aldaǵy ýaqytta nysan aýmaǵynda qosymsha bes fýtbol alańyn salý josparlanǵan.
Sarapshylardyń pikirinshe, «Atletıko Madrıd» akademıasynyń ashylýy Qazaqstandaǵy jasóspirimder fýtbolynyń damýyna serpin beredi.