Tártip saqshylary jol qozǵalysy erejesin úıretti.
Almaty polıseıleri shahardyń barlyq jalpy bilim beretin mektepterinde «Jolda júrý erejeleri» sabaǵyn ótkizdi, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málemet boıynsha, birinshi synyp oqýshylaryna tártip saqshylary jol qozǵalysy erejesin úıretti.
«Balalar – bizdiń bolashaǵymyz, sondyqtan olardyń ómiri men densaýlyǵyna eshteńe qaýip tóndirmeýi óte mańyzdy. Jol – jaraqat alý men ólim qaýpi joǵary oryn bolyp qala beretindikten, bala kishkentaı kezinen bastap kóshede júrý erejeleri men is-áreketin bilýi kerek. Josparlanǵan is-sharalar aıasynda balalardyń alǵan bilimderin is júzinde qoldaný daǵdylary qalyptasady. Balalar jolda júrý erejeleri týraly bilimderin tolyqtyrdy, óz tájirıbelerimen bólisti, júris bóliginen qalaı durys ótý kerektigin aıtty. Búgingi birinshi synyp oqýshylarynyń jol qozǵalysy erejeleri týraly túsinigi bar ekenin atap ótkim keledi, bul otbasyndaǵy jáne balabaqshalardaǵy balalardyń qaýipsizdigine tıisti nazar aýdarylǵanyn kórsetedi», – dedi Almaty qalalyq PD jergilikti polısıa qyzmeti basqarmasynyń bastyǵy Manap Sattarov.
Mektep oqýshylaryna jol qozǵalysy erejeleri týraly ılústrasıalyq boıaý kitapshalary, býkletter, broshúralar jasaldy. Barlyq saıystar men suraq-jaýaptar oıyn túrinde ótti. Balalarǵa qaýipsiz júris-turystyń mańyzdylyǵyn kún saıyn eske salý qajet.
«Bilim kúni qarsańynda biz muǵalimdermen kezdesýler ótkizemiz, onyń barysynda oqý prosesi kezinde mektep oqýshylarynyń qaýipsizdigi máseleleri sheshiledi. Biz sizderdi jol qozǵalysy erejelerin zerdeleý boıynsha synyptardyń tájirıbelik sabaqtarǵa daıyndyǵyn tekserýge, barlyq qajetti úgit-ádistemelik quraldardy satyp alýǵa, jańa oqý jylyna jol qozǵalysy erejeleri boıynsha oqý josparyn qurýǵa shaqyramyz. Mundaı tyǵyz jáne úılestirilgen ózara is-qımyl, bizdiń oıymyzsha, balalardyń jol-kólik jaraqaty men apattaryn azaıtýǵa, qaladaǵy jol qozǵalysyn turaqtandyrýǵa óte tıimdi áser etedi», – dedi Manap Sattarov.