2024 jylǵa qaraı Almatyny aınalyp ótetin jańa temirjol jelisin salý josparlanyp otyr. Bul týraly Indýstrıa jáne ınfraqurylymdyq damý mınıstrliginiń Tengrinews.kz resmı saýalyna bergen jaýabynda aıtylǵan, dep habarlaıdy Almaty-akshamy.kz.
Vedomstvo málimetinshe, Qytaıdan jáne osy kórshi elge tasymaldanatyn kólik kólemi jyl saıyn artyp keledi. Barlyq júk birinshi kezekte Almaty temirjol torabyna keledi. Ol jerden poıyzdar odan ári tórt baǵytta júredi: Shý, Aqtoǵaı, Altynkól jáne Almaty-2. Bul túıin eń kóp jumys isteıtin bólim ekeni atap ótildi.
"Altynkól-Qorǵas" shekara ótkeli arqyly Qytaıǵa/Qytaıdan keletin temirjol tranzıttik baǵytynda júk tasymaly qarqyndy ósýde. Osy tranzıttik dálizde Shý, Aqtoǵaı, Altynkól jáne Almaty-2 tórt baǵytyna poıyz qozǵalysyn qamtamasyz etetin Almaty temirjol toraby eń kóp jumys isteıtin ýchaske sanalady. Osyǵan baılanysty Almaty torabyndaǵy júktemeni azaıtý maqsatynda mınıstrlik Almaty vokzalyn aınalyp ótetin aınalma temirjol jelisin salý jobasyn júzege asyryp jatyr. Onyń uzyndyǵy - 73 shaqyrym. İske asyrý merzimi - 2023-2024 jyl", - dep túsindirdi IIDM ókilderi.
Bul jobany júzege asyrý taýardy jetkizý merzimin 24 saǵatqa deıin qysqartatyny habarlandy. Sondaı-aq, Almaty temirjol torabyndaǵy júktemeni 40 paıyzǵa azaıtady.
"Búginde jobanyń jobalyq-smetalyq qujattamasyn túzetý boıynsha rásimder júrgizilip jatyr. Jobalaýshy bastapqy málimetterdi jınap, berý júrgizilip jatyr. Keshendi vedomstvodan tys saraptamadan oń qorytyndy alý merzimi 2023 jylǵy maýsymǵa belgilengen. Sondaı-aq, jobany júzege asyrý úshin respýblıkalyq búdjet qarajaty nemese memlekettik-jekemenshik áriptestik esebinen qarjylandyrý tetikteri pysyqtalyp jatyr", - dep tolyqtyrdy vedomstvo ókilderi.