12 boryshkerge qatysty sotqa deıingi tergeý bastaldy
Qostanaıdy 3 boryshkerler balalaryna 6,8 mıllıon teńge somasynda alıment tólemegen, dep habarlaıdy Almaty-akshamy.kz.
«Mysaly, azamat K. bes jyl boıyna úsh alıment tólemeı, qashyp júrgen, onyń qaryzy 3,8 mln teńgeni qurady. Sotqa deıingi tergeý barysynda boryshker kinásin túsinip, 120 myń teńgeni ótep, resmı túrde jumysqa ornalasyp, aı saıyn tólem jasap júr. Taǵy bir mysal, 2022 jyldyń 6 mamyrynan bastap sot tórt jyl boıy qyzyna alıment tólemeı júrgen azamat S-ǵa qatysty qylmystyq isti qarastyryp jatyr. Onyń qaryzy 1,8 mln teńgeni qurady. Boryshker alıment tólemegeni úshin qaıtadan qylmystyq jaýapkershilikke tartylyp, zıandy boryshkerler tizilimine engizildi»,-delingen Qostanaı oblysy prokýratýrasy taratqan málimette.
Qala prokýratýrasynyń bastamasy boıynsha jyl basynan beri 28 balaǵa alıment tólemeı júrgen 12 boryshkerge qatysty sotqa deıingi tergeý bastaldy, sot sheshimin oryndamaǵany úshin 18 boryshker ákimshilik jaýapkershilikke tartyldy, onyń jeteýi jeti táýlikke deıingi merzimge qamaýǵa alyndy, qalǵandaryna jalpy somasy 170 myń teńge kóleminde aıyppul salyndy. Sondaı-aq, alty boryshker jumysqa ornalastyrylyp, 18,5 mln teńgege alıment óndirip alyndy.