Jer júzi ǵajaıyptardan turady. Ony jasaıtyn – aıryqsha adamdar. Olar adamzattyń baǵytyn ózgertetin kúshke ıe.
Bárimiz jahanǵa tanymal bolýdy oılaımyz. Sol úshin barynsha tyrysamyz. Talpynyp, túrli qadamǵa baramyz. Dese de, ondaı bolmaqqa erekshe qabilet, daryn, ynta qajet. Búgingi adamnyń múmkindigi joǵary. Ǵalamtordy ashyp, túrli jetistikterge qol jetkizýge bolady. Bir sátte kúlli dúnıeni tańdandyra alasyz. Bul jolda shyn talanttar bir sáttik beınege emes, máńgilik tulǵa bolýǵa talpynary anyq.
Sońǵy ýaqyttary qazaq jastary osyndaı bıik tuǵyrdan kórinip júr. Tipti, ǵalamdyq deńgeıge órleýde. Osyǵan baılanysty álemge áıgili 5 qazaq jaıly derekter toptamasyn usynamyz.
Dımash Qudaıbergen
Dımash – álemdegi aıryqsha daýys ıesi. Tembr, joǵary men tómengi notalardy sheber ala biledi. Ol búginge deıin AQSH, Qytaı, Reseı, Eýropanyń kóptegen elderinde jeke konsertin berdi. Tipti, jankúıerleri qazaqsha án shyrqap, qazaqtyń ulttyq kıimderin kıip, ǵalamtorǵa júktep, jyly lebizin bildiretinder qatary artyp keledi.
Dinmuhammed Qudaıbergen 1994 jyly 24 mamyrda Aqtóbede tanymal ánshiler Qanat pen Svetlana Aıtbaevtardyń otbasynda dúnıege kelgen.
Qazaq ulttyq óner ýnıversıtetin «Estrada vokaly» mamandyǵy boıynsha bitirdi. Marapattary:
2014 jyly Qazaqstan Respýblıkasy Úkimetiniń «Daryn» Memlekettik Jastar syılyǵynyń laýreaty;
«Jyl tańdaýy Halyqtyń súıiktisi» Ulttyq syılyǵynyń laýreaty;
2017 jyly Qazaqstan Respýblıkasynyń mádenıet pen óner salasyndaǵy memlekettik stıpendıasynyń ıegeri;
2017 jyly Qazaqstan Respýblıkasynyń Tuńǵysh Prezıdenti – Elbasy qory syılyǵynyń ıegeri;
2018 jyly Qytaıda «Weibo Night» saltanatynda «Eń tanymal ártis» júldesiniń ıegeri.
2019 jyly «Qazaqstannyń eńbek sińirgen qaıratkeri» atandy.
2021 jyly Dımash Qudaıbergen Azıadaǵy eń symbatty er adam atandy.
Jánibek Álimhanuly
Jánibek – Qazaq style-diń negizin qalaýshy. Onyń jyldamdyǵy dúnıeni tańdandyrýda. Ol – boks salasy boıynsha Amerıka Qurama Shtattaryndaǵy jas sportshylardyń biregeıi. Ulttyq jaýharlarymyzdy tanytyp júrgen birden-bir qazaq.
Ol 1993 jyly Almaty oblysy Jylandy aýylynda dúnıege kelgen. Kásipqoı boksta orta 72 keli salmaqta óner kórsetetin, jeńilis kórmegen kásipqoı boksshy. Qazaqstannyń eńbek sińirgen sport sheberi. 2013 jyly álem chempıony atanady. 2013-2014 jyldary Azıa chempıony, halyqaralyq dárejedegi sport sheberi. WBO Global tujyrymy boıynsha 2012–2020 jyldary WBC Continental Americas tujyrymy boıynsha jeńimpazy sanalady.
Imanbek Zeıkenov
Imanbek – qarapaıym jan. Soltústik óńir, Aqsý qalasynyń týmasy. Bala kúninen mýzykaǵa qumartqan. Sóıtip, ártúrli trekterdi rıtmge túsirýdi oılap júrgen. Ol oıyna 20 jasynda qol jetkizedi. 2020 jyly «Gremmı» júldesin utady.
Onyń remıksterin túgel Eýropny Nıderlandy, Belgıa, Shvesıa, arysy Amerıka men Kanadany sharlaıdy. Ǵalamtordaǵy Shazam reıtıńiniń úshtigine enedi. Kóptegen tyńdalym jınaıdy. Barsha dúnıe júzi boıynsha eń tanymal ári jas mýzykant bolyp esepteledi.
Dımash Ádilet
Ol – dúnıejúzindegi eń symbatty er adam bolyp tanyldy. Óziniń armanyn oryndaý jolynda baryn saldy. İzdendi, sportpen shuǵyldandy. Amerıkadaǵy eń tanymal sán sahnalaryna qytysty. Túr symbaty men oıy qatar kelisken qazaq jigiti talaı arýdyń júregin baýrady. Golıvýdtyq tanymal aktrısalar onyń ónerine tánti boldy. Búginde Dımash eń tanymal sán áleminiń shoq juldyzyna aınaldy. Óziniń bir suhbatynda «bolashaq jaryn dúnıedegi eń baqytty áıel etetinin» aıtty.
Osydan birneshe jyl buryn Dımash Ádilet IQ testin joǵary nátıjemen tapsyryp, álemdegi eń aqyldy adamdardyń qataryna qosyldy. Ol – Qazaqstan týmasy, Garvard ýnıversıtetiniń túlegi. Sonymen qosa, dúnıedegi IQ eń joǵary adamdardan quralǵan halyqaralyq Mensa International uıymynyń múshesi.
Sanjar Mádıev
Sanjar – kópshilikke tanymal akter. Kóbinese mahabbat, tarıhı kórkem týyndylar, ekshn derekti fılmderimen tanyldy. Ony basynda reseılik akter dep shatastyrǵandar da boldy. Óıtkeni, onyń tanymaldylyǵyna qýat bergen sol eldegi túsken kınolary edi. Búginde boıshań, atjaqty, eýropalyq kelbetti kelgen otandasymyz sheteldik kınokartınalarynyń suranysyna ıe.
Jerlesimiz 1986 jyly Almatyda dúnıege kelgen. Jastaıynan brek-dans, qoıan qoltyq urysqa jáne júzý úıirmelerine qatysty. Losandjeleste kıno salasy boıynsha mamandyǵynda Film Making bilim aldy. Osyǵan deıin 30-dan astam jobaǵa qatysty.