Qazaqstandyq-aýstralıalyq jup birinshi partıada breık jasap, sol basymdylyqty saqtady
Qazaqstandyq Aleksandr Býblık juptyq synda Rolan Garros týrnıriniń ekinshi aınalymyna shyqty, dep habarlaıdy Almaty-akshamy.kz QazAqparatqa silteme jasap.
Qazaqstandyq tenısshi aýstralıalyq Tanası Kokkınakıspen birge bastapqy kezdesýin amerıkalyq Natanıel Lammons - polák Kamıl Maıhshakpen ótkizdi.
Qazaqstandyq-aýstralıalyq jup birinshi partıada breık jasap, sol basymdylyqty saqtady - 7:5.
Ekinshi sette de taǵy bir breıkpen machty aıaqtaıtyndaı múmkindikteri boldy. Degenmen qarsylastary tarazy basyn teńestirdi. Taı-breıkte Býblık pen Kokkınakıs jeńisti julyp aldy - 7:6 (7:5).
Saǵat jarym ýaqytqa sozylǵan machta Býblık pen Kokkınakıs 11 eıs jasady.
Endi olar ekinshi aınalymda ıtalıalyqtar Sımone Bolellı - Fabıo Fonını nemese majarstandyq Marton Fýchovıch - amerıkalyq Frensıs Tıafo juptarynyń qaı jeńgenimen kezdesedi.
Taǵy bir qazaqstandyq Aleksandr Nedovesov juptyq synda pákstandyq Aısam Kýreshımen birge tartysty ótken básekede amerıkalyqtar Makkenzı Makdonald - Tommı Polǵa ese jiberdi - 6:3, 2:6, 3:6.
Eske sala keteıik, budan buryn qazaqstandyq tenısshilerdiń Rolan Garros týrnırinde bastapqy kezdesýlerin sátti ótkizgenin, 13 jasar Zańǵar Nurlanulynyń Eýropa reıtıńisinde bes aı boıy kósh bastap kele jatqanyn jazǵan bolatynbyz.