QR Densaýlyq saqtaý mınıstri Ajar Ǵınıat Úkimet otyrysynan keıin jýrnalıserge bergen suhbatynda shetelden keletin azamattardan PTR test talap etý qarastyrylyp otyrmaǵanyn aıtty, dep habarlaıdy Almaty-akshamy.kz.
«Almaty, Nur-Sultan qalasyndaǵy vırýs juqtyrǵan adamdardyń epıdemıologıalyq anamnezin qaraǵanda, 5 paıyzy ǵana shetelden kelgen nemese sheteldegi adamdarmen qarym-qatynasta bolǵany aıqyndaldy. Sondyqtan búgingi tańda bul aýrý el ishinde taralyp otyrǵany belgili boldy. Sol sebepti ázirge shetelden PTR testpen kirgizý talabyn qarastyryp jatqan joqpyz», - dedi Ajar Ǵınıat.
Sondaı-aq, ol eldegi búkil densaýlyq saqtaý uıymdary koronavırýspen kúresýge daıyn ekenin jetkizdi.
«Mamandardyń boljamynsha, osy aıdyń ishinde aýrýdyń ósimi baıqalady. Saraptama júrgizip qarasaq, koronavırýs byltyr da, onyń aldyńǵy jyldary da dál osy aılarda ósken. Iaǵnı, ınfeksıalyq aýrýlardyń maýsymdyq ósimi bolǵan. Biz barlyq senarıge daıynbyz. Buǵan deıin táýligine 16 myńnan astam aýrý tirkelgen kezder bolǵan, biz ony da eńserdik. Qazirgi kezde táýligine 187 jaǵdaı tirkelip otyr», - dedi mınıstr.