Qazaqstan qorjynyna 4 altyn medal saldy
Majarstan astanasy Býdapeshte ótken kórkem gımnastıkadan 28-shi Gracia Fair Cup halyqaralyq týrnırinde Qazaqstan quramasy 4 altyn, 1 kúmis jáne 1 qola medal jeńip aldy, dep habarlaıdy almaty-akshamy.kz
Búgin jekeleı synda Aıbota Ertaıqyzy doppen, lentamen jáne urshyqpen óner kórsetýde des bermeı, 3 jattyǵýda altynnan alqa taqty. Al Erıka Jaılaýova shyǵyrshyq jattyǵýynda chempıon atandy.
Keshe kópsaıysta Aıbota kúmis (125,2 bal), Erıka qola júldeger (122,25 upaı) atanǵan. Sondaı-aq munda Ulttyq qurama gımnasty Mılana Parfılova 4-shi, Zere Baqytjanqyzy 6-shy, Aıym Meıirjanova 7-shi satyǵa turaqtady.