2025 jylǵy 10 qazanda Almaty qalasynda «Áleýmettik qorǵaý júıesiniń úzdik qyzmetkeri jáne úzdik áleýmettik joba» respýblıkalyq konkýrsynyń óńirlik kezeńine qatysýshylardy irikteý jónindegi komısıa otyrysy ótti.
Baıqaýǵa túrli nomınasıalar boıynsha 31 úmitkerdiń ótinimderi qabyldanyp, onlaın daýys berý jáne materıaldardy zerdeleý nátıjesinde óńirlik kezeńniń jeńimpazdary anyqtaldy, - dep habarlaıdy Aqshamnews.kz.
Óńirlik kezeń jeńimpazdary:
Nomınasıa: «Úıde kútim kórsetý uıymynyń úzdik áleýmettik qyzmetkeri»
Jeńimpaz: Gúlnur Eleýsizqyzy Nurmaǵambetova - «Aıala» áleýmettik qyzmetter ortalyǵy» komýnaldyq memlekettik mekemesiniń áleýmettik qyzmetkeri
Nomınasıa: «Úzdik áleýmettik pedagog»
Jeńimpaz: Raýshan Jetesqyzy Domaqbaı - «Aıala» áleýmettik qyzmetter ortalyǵy» KMM logoped mamany
Óńirlik kezeńde úzdik dep tanylǵan mamandar respýblıkalyq baıqaýǵa joldama alyp, Qazaqstan Respýblıkasynyń Eńbek jáne halyqty áleýmettik qorǵaý mınıstri Svetlana Jaqýpovanyń atynan qurmet gramotalarymen marapattaldy.
Saltanatty marapattaý rásimi 2025 jylǵy 24 qazanda Astana qalasynda, «Hilton» qonaq úıiniń konferens-zalynda ótti.
Bul marapat - áleýmettik sala qyzmetkerleriniń adal eńbegi men adamdarǵa degen shynaıy janashyrlyǵynyń joǵary baǵasy.
«Aıala» áleýmettik qyzmet ortalyǵy ujymy óz mamandarynyń jetistikterin maqtan tutady jáne áleýmettik qoldaý júıesin damytý jolyndaǵy eńbekterin joǵary baǵalaıdy.