Sportshy qarsylasyn úshinshi raýndta qylqyndyrý ádisimen jeńdi.
Asa jeńil salmaqta óner kórsetetin qazaqstandyq Marıa Agapova (10-2) UFC-degi ekinshi jeńisine qol jetkizdi. Las-Vegastaǵy (Nevada, AQSH) UFC Vegas 39 týrnırinde ol kolýmbıalyq Sabına Mazony jeńdi, dep habarlaıdy Almaty-akshamy.kz Tengrinews.kz-ke silteme jasap.
24 jastaǵy sportshy qarsylasyn úshinshi raýndta qylqyndyrý ádisimen jeńdi.
Jekpe-jek boıy eki faıter de belsendi bolyp, shabýyldaýǵa tyrysty. Biraq basymdyq qazaqstandyq sportshyda boldy. Úshinshi raýndta Mazo jekpe-jekti belsendi ótkize bastady, Biraq Marıa da sáti kelgende shabýyl jasap turdy. Agapovanyń bir soqqysy qarsylasqa dóp tıip, Sabına nokdaýnǵa tústi. Artynsha qazaqstandyq sportshy qylqyndyrý ádisin jasap, jeńiske jetti.
Eske salaıyq, bul Agapovanyń álemdik promoýshendegi úshinshi jekpe-jegi boldy. Keıingi ret oktagonǵa 2020 jyly tamyzda shyǵyp, amerıkalyq Shena Dobsonnan tehnıkalyq nokaýtpen jeńilgen. Sol kezdesýden eki aı buryn UFC-de debútin ótkizip, amerıkalyq Hanna Saıfersti jeńgen bolatyn.