Mereıtolyq marka 2 mıllıon dana mólsherinde basyp shyǵaryldy
Ult ustazy, til bilimi ǵylymynyń atasy, reformator, túrki jurtyna ortaq uly tulǵa Ahmet Baıtursynulynyń 150 jyldyǵyna arnalǵan mereıtoılyq poshta markasy shyqty dep habarlaıdy almaty-akshamy.kz
Poshta markasy qaı eldi de bolmasyn álemge tanytýda sol eldiń “vızıtti kartochkasy” sanalatyny belgili.
Dızaıny «Qazposhta» AQ-men kelisilgen marka endi uly tulǵany tek álem jurtshylyǵyna tanytyp ǵana qoımaıdy, sonymen qatar A. Baıtursynuly beınesi san ǵasyrlar boıy urpaqtar jadynda saqtalatyn bolady.
Qazaqstan Respýblıkasy Sıfrlyq damý, ınovasıalar jáne aeroǵarysh ónerkásibi mınıstrliginiń aqparatyna sáıkes atalǵan mınıstrliktiń 2022 jylǵy 31 mamyrdaǵy «Qazaqstan Respýblıkasy poshta tóleminiń memlekettik belgileriniń túrleri men kólemderin bekitý jáne poshta aınalymyna engizý týraly» buıryǵymen 2022 jylǵy 3 maýsymnan poshta markasy 2 000 000 (2 mıllıon) dana mólsherinde basyp shyǵarylyp, aınalymǵa engizildi.
Arnaıy mórqalybty marka konvertteri álem fılatelıseri koleksıalarynan oryn alary sózsiz.