Aǵymdaǵy jyldyń 22 aqpanda UQK Astana qalasy boıynsha departamenti astanalyq prokýratýranyń úılestirýimen qalanyń ónerkásip aımaǵynda ornalasqan sıntetıkalyq esirtki óndirý boıynsha jasyryn zerthananyń jolyn kesti, dep habarlaıdy almaty-akshamy.kz UQK baspasóz qyzmetine silteme jasap.
Osy qylmystyq quqyq buzýshylyqty jasaýdy degen kúdikpen astananyń 2 turǵyny quryqtaldy.
Tintý barysynda shamamen 80 myń bir rettik dozaǵa para-par 27 kg astam «mefedron» psıhotroptyq zaty, sondaı-aq 1 tonnadan artyq prekýrsor alyndy.
Aınalymnan alynǵan esirtki quny «qara naryqta» 540 mln teńgege baǵalanady.
Budan bólek, Astana qalasy basqa aýdandarynda zerthana jabdyǵy bar 40 tonnalyq eki konteıner tabyldy, tergeý barysy anyqtaǵandaı, olar birneshe osyǵan uqsas óndiristi uıymdastyrý úshin arnalǵan.
Qylmystyq kodekstiń 297-baby 3-bóligi boıynsha sotqa deıingi tergep-tekserý júrgizilýde.
Ózge aqparat Qylmystyq-prosestik kodekstiń 201-baby 1-bóligine sáıkes jarıa etýge jatpaıdy