Respýblıkanyń soltústik óńirlerinde jańbyrly aýa raıy kútiledi
Qazgıdromet qyrkúıektiń 16-shy juldyzyna arnalǵan aýa raıy boljamyn jarıalady, dep habarlaıdy Almaty-akshamy.kz QazAqparat saıtyna silteme jasap.
Sıklon áserinen QR soltústiginde, soltústik-batysynda, batysynda jańbyr jaýady, naızaǵaı bolýy yqtımal. Qalǵan aýmaqta antısıklon jotasynyń áserinen jaýyn-shashynsyz aýa raıy kútiledi.
Respýblıkanyń soltústiginde, soltústik-batysynda, batysynda jáne ońtústiginde jel, soltústiginde tuman kútiledi. Soltústik Qazaqstan oblysynda soltústik-batysynda, soltústiginde naızaǵaı, tuman kútiledi, túnde ońtústiginde jel 15-20 m/s, kúndiz basym bóliginde 15-20, ekpini 23-28 m/s kúsheıedi.
Túnde Aqmola oblysynyń soltústik-batysynda, kúndiz basym bóliginde naızaǵaı baqylanady, jel 15-20 m/s kúsheıedi. Qostanaı oblysynyń soltústik-batysynda, soltústik-shyǵysynda naızaǵaı kútiledi, soltústik-batysynda, ońtústiginde jel 15-20 m/s kúsheıedi.
Kúndiz Pavlodar oblysynyń soltústiginde, soltústik-batysynda naızaǵaı kútiledi, jel 15-20 m/s kúsheıedi. Kúndiz Aqtóbe oblysynyń ońtústik-shyǵysynda, shyǵysynda, Qyzylorda oblysynyń ortalyǵynda, Qaraǵandy oblysynyń batysynda 15-20 m/s jeldiń kúsheıýi kútiledi.
Túnde Shyǵys Qazaqstan oblysynyń shyǵysynda, Qaraǵandy oblysynyń soltústiginde, soltústik-shyǵysynda 2 gradýs úsik saqtalady.
Almaty, Jambyl, Túrkistan, Qyzylorda, Mańǵystaý, Atyraý, Aqtóbe oblystarynyń basym bóliginde, Qostanaı, Qaraǵandy oblystarynyń ońtústik-batysynda, batysynda, Batys Qazaqstan oblysynyń soltústik-shyǵysynda jáne ońtústiginde, Shyǵys Qazaqstan oblysynyń ońtústiginde, Pavlodar oblysynyń ortalyǵynda, Aqmola oblysynyń soltústik-batysynda tótenshe órt qaýpi saqtalady.