Бірнеше жыл бұрын мектеп оқушыларымен кездесуде маған мынадай сұрақ қойылды:
"Мұғалімдік тәжірибеңіз бар екенін білеміз, КТЛ (қазіргі БИЛ) мектебіне мұғалім ретінде шақырса келесіз бе?"
⠀
Мен бармайтынымды айттым. Себебі КТЛ, НИШ сияқты мектептерде мықты мамандар жұмыс жасайды. Мен керісінше ауыл мектептеріне барар едім. Себебі ол жақта мұғалім жетіспейді және жалпы білім сапасы өте төмен. Мен сол ауылға көмектесейін.
⠀
Ия мемлекет мені өте сапалы білім беретін мектепте оқытты. Ал енді менің борышым – ауыл-аймақтардағы білім сапасын көтеруге ат салысу.
Зерттеулерге сүйенсек, Дүниежүзілік банктің 2023 жылғы шолуына сәйкес, қазақстандық оқушылардың үштен екісі қазіргі заманауи әлемде табысты жұмыс істеуге дайын емес деп бағаланды. Бұл «функционалдық сауатсыздық деңгейі» арқылы анықталды, яғни оқушылар негізгі академиялық дағдыларды толық меңгере алмай жатыр.
Экономикалық ынтымақтастық және даму ұйымына (OECD) мүше елдердегі функционалдық сауатсыздық деңгейі 22,6% құрайды. Ал Қазақстанда жалпы мемлекеттік мектептерде бұл көрсеткіш 64,2%-ға жетеді, яғни оқушылардың көпшілігі функционалды сауатсыз деп есептеледі. (сілтеме: https://www.worldbank.org/.../kazakhstan-needs-to.., сілтеме: https://astanatimes.com/.../world-bank-review-2023.../)
⠀
Шолуда айтылғандай, NIS мектептеріндегі бір оқушыға жұмсалатын қаржы жалпы мемлекеттік мектептерге қарағанда төрт есе көп, ал NIS оқушылары жалпы орта мектеп оқушыларының тек 0,4%-ын ғана құрайды. (сілтеме: https://www.worldbank.org/en/country/kazakhstan, сілтеме: https://documents1.worldbank.org/.../IDU0336efa090a5ea047...)
⠀
Қазақстанда ауыл мектеп оқушыларының үлесі 49%. Ал PISA 2022 нәтижесі бойынша қала мен ауыл мектептерінің білім сапасы айырмашылығы айтарлықтай үлкен. (сілтеме: https://gpseducation.oecd.org/CountryProfile...)