Сегіз бөлімнен тұратын «Менің Алтайым» телехикаясы Қытайдағы көрермендердің назарын аударды. Көрсетілімнен кейін Қытай азаматтары Шыңжаң-Ұйғыр автономиялық ауданындағы Алтай округін көруге деген ынталары арта бастаған, деп хабарлайды аlmaty-akshamy.kz.
Сериалдың әлемдік премьерасы сәуір айының басында өтті. Осы уақыт ішінде аймақ туралы мәлімет іздеушілер саны алты есеге артты, ал жергілікті турларды брондау көлемі бір ай ішінде 370%-ға өскен.
«Менің Алтайым» телехикаясы қытай жазушысы Ли Цзюанның әңгімелер жинағы негізінде түсірілген. Фильмде Хань империясының қызы мен қазақ жігітінің қарым-қатынасы, жергілікті малшылардың өмірі және адамдардың табиғатпен үйлесімділігі туралы баяндалады.
Алтай округінің әкімшілігі фильмнің арқасында биылғы жылы жоғары туристік маусым бір ай бұрын басталғанын мәлімдеді. Мамыр айында аймаққа шамамен 2,67 миллион саяхатшы келген. Бұл өткен жылдың сәйкес кезеңімен салыстырғанда 80%-ға өскен. Осылайша туризмнен түскен табыс 93%-ға артқан.