N26 қалалық емханасының жалпы тәжірибелік дәрігері Анель Досбода жылу жүрек-қантамыр жүйесі үшін өте қауіпті екенін, тіпті жас жігіт ыстық күнде жылу соққысынан өлуі мүмкін екенін атап өтті, деп хабарлайды Almaty-akshamy.kz.
«Артық салмақ пен көбіне отырып жұмыс істейтін адамдар, 75 жастан асқандар, нәрестелер мен жүкті әйелдер ең осал болып табылады. Спортшылар, ауыр физикалық еңбекпен айналысатындарға да тез күн өтіп кетуі мүмкін. Сонымен қатар жүрек ауруы, жоғары қан қысымы, қант диабеті, бүйрек ауруы, психиатриялық бұзылулар сияқты аурулары бар адамдардың да сақ болғаны абзал», - деп қосты дәрігер.
Жаздың ыстық күндерінде дәрігер өзін ультракүлгін сәулелердің әсерінен қорғауға кеңес береді. Ыстықта физикалық белсенділікті азайту, салқын бөлмеде ұзақ тұру, көп су ішу, табиғи матадан жасалған кең киім кию және басыңызға бас киім кию қажет. Күн астында көп серуендеуден аулақ болыңыз. Әсіресе таңғы сағат 11:00 мен 15:00 аралығында күн астына шығу өте қауіпті болып есептеледі.
Егер күн өтіп кетсе, бірінші кезекте денеде оттегінің қалыпты жағдайда болуын және жылу алмасуды қалпына келтіру қажет.
«Артық, кедергі келтіретін киімді шешіңіз. Мүмкін болса, денеңізді сумен салқындатыңыз. Одан да жақсысы, дымқыл сүлгімен немесе майлықпен басыңызға компресс жасаңыз. Буланған су температураны төмендетуге көмектеседі. Егер сергітетін салқын душ қабылдау мүмкіндігі болса -- оны дереу жасаңыз! Негізгі міндет-денені салқындату», - дейді маман.
Егер адамның жағдайы жақсармаса жедел жәрдем шақыруға немесе оны ауруханаға жеткізуге маман кеңес береді.