Мамандар күн сайын су айдындарында бірлескен рейдтер өткізеді.
Алматы құтқарушылары атқарған істеріне есеп беріп, брифингқа қатысты. Олардың атуынша, соңғы үш жлда олар 64 адамды аман алып қалған, оның 30 бала, деп хабарлайды Almaty-akshamy.kz.
Осы жылы қалада суға шомылу маусымында, құтқарушылар 10 адамды құтқарды. Алматы қаласы Төтенше жағдайлар департаментінің Азаматтық қорғаныс басқармасының басшысы, подполковник Исхар Савазовтың айтуынша, мұндай жағдайлар көбінесе қауіпсіздік ережелерін елемеуден болады.
Өңірлік коммуникациялар қызметінің брифингінде Алматы ТЖД өкілі соңғы үш жылда 64 адам, оның ішінде 30 бала құтқарылғанын хабарлады.
Иcхар Савазов температураның төмендеуіне байланысты суға шомылу аса қауіпті екенін атап өтті.
«Адам ағзасының салқындауы суда жазатайым оқиғаларға, сіңірдің тартылуына алып соғуы мүмкін», - ТЖД Азаматтық қорғаныс басқармасының басшысы.
Подполковник 23 тамызда Сайран көлінде болған оқиғаны келтірді. Бұл күні құтқарушылар шомылу кезінде құрысулар басталып, батып бара жатқан 14 жастағы жасөспірімді құтқарған.
Айта кетерлігі,оқиға Алматыда шомылуға рұқсат етілген жерде болғандықтан, құтқарушылар жедел көмекке келе алды.
Басқа жүзу орындары «бейімделмеген және жабайы жағажайларға» жатады. Маусымның басында осындай жерлерге құтқарушылар 66 тыйым салу белгілерін орнатқан.
Исхар Савазовтың айтуынша, құтқарушылар жергілікті полиция қызметкерлері, ҚР ҰҰ 5571 әскери бөлімнің, Қызыл Жарты Ай қоғамының, еріктілер ұйымының әскери қызметшілерімен бірлесіп Lider.kz күн сайын су айдындарында бірлескен рейдтер өткізеді.
Жағажайға заңды өкілдерсіз келетін балалармен олар профилактикалық әңгімелер жүргізеді, ересектерсіз жүзудің қауіптілігін түсіндіреді. Подполковник балаларды қараусыз қалдырмау, су жанында қараусыз ойнауға жол бермеу, спирттік ішімдік ішпеу жайында айтып өтті.
Құтқарушылар демалыс және мереке күндері күшейтілген режимде жұмыс істейді. Осы маусымда 800-ден астам бірлескен рейдтер өткізіліп, оның барысында "судағы қауіпсіздік" тақырыбына 7 800-ден астам жазбалар таратылды.
Осындай патрульдердің арқасында қоғамдық орында ішімдік ішкен 34 ереже бұзушы анықталды. Барлық тұлғалар ҚР ӘҚБтК-нің 440-бабы бойынша әкімшілік жауапкершілікке тартылды. Айыппұлдардың жалпы сомасы 495 890 теңгені құрады.
Белгіленбеген орында суға түскені үшін 364-бап бойынша «ортақ су пайдалану ережелерін бұзу» бойынша 7 адам жауапқа тартылды. Тәртіп бұзушыларға қатысты ескерту шарасы қолданылды", - деді Исхар Савазов.
Айта кетерлігі, қала құтқарушылары үшін ең үлкен мәселе «жабайы жағажайлар». Содан кейін сол жерде шомылғандарды анықтайды.
Төтенше жағдайлар министрлігінің подполковнигі Алматы тұрғындары мен қонақтарын қалқандар мен қоршаулар белгісінің артында жағадан алыс жүзбеуге, рұқсат етілген жерде ғана шомылуға шақырды.
«Егер сіз жүзе алмайтын болсаңыз, рұқсат етілген жерде шомылсаңыз да, белден жоғары суға кірмеңіз. Балаларды қараусыз қалдырмаңыз, шомылу кезінде бір-біріне қараңыз. Қайықтардан, көпірлерден және айлақтардан суға секірмеңіз, ұзақ уақыт жүзбеңіз, тоңып және шаршап қалуыңыз мүмкін. Сондай-ақ, түнгі уақытта және мас күйде шомылу қауіпті», - деп атап өтті Исхар Савазов.
Алматылық құтқарушылар «Дельфин» спорт кешенінің бассейніндегі «Жанұя» мамандандырылған кешенінің тәрбиелеушілеріне сабақ өткізді.
Сонымен қатар, спорттық дарынды балаларға арналған республикалық мектеп-интернат базасында. Қ. Ахметова «Үміт» саңырау мүгедектерді қолдау орталығы қоғамдық қорының тәрбиеленушілеріне жүзу сабағын өткізді.
Алматы қаласы әкімдігінің қолдауымен, «Спорттык Алматы» бағдарламасы аясында, қаланың спорт басқармасы ТЖ Департаментімен бірлесіп, «Медина» СК, Aqua stars бассейндері базасында шомылу маусымы басталғаннан бері балаларды жүзуге үйретуде. Шомылу маусымы кезеңінде барлығы 2 100 адамды оқыту жоспарлануда.
