Қазақстандағы жастар арасында ең танымал әлеуметтік желі белгілі болды. Сауалнамаға қатысқандардың 66,2 пайызы оларды тұрақты қолданатынын мойындаған, деп хабарлайды Aqshamnews.kz Energyprom.kz мониторингтік агенттік дерегіне сілтеме жасап.
Платформалар арасында көшбасшы - WhatsApp: респонденттердің 89,4 пайызы аталмыш желіні белсенді пайдаланады. Екінші орында - Instagram (79,8%), үшінші - TikTok (63,9%). Сирек таңдалатындары - Telegram (24,6%), Facebook (9,1%) және "ВКонтакте" (4,7%).
Қазақстандық жастар желіден көбіне ақпараттық контентті (69,2%) және ойын-сауық видеоларын (60,6%) көреді. 14–18 жастағылар роликтер мен мемдерге көбірек қызықса, 19–23 жастағылар жаңалықтарды жиірек таңдайды, ал 28 жасқа дейінгі аға буын жарнамалық және тартушы контентке бейім.
DataReportal дерегі бойынша, 2025 жылдың басында Қазақстанда интернет қолданушыларының саны 19,2 млн адамға жетіп, халықтың жалпы санының 92,9 пайызына тең болды.
Сонымен қатар, осы жылдың қаңтарында елде әлеуметтік желілердің 15,7 млн қолданушысы тіркелді (халықтың 75,7%). ҚР-дағы әлеуметтік желі қолданушыларының жалпы саны 2024 жылдың басынан 2025 жылдың басына дейін 11,2 пайызға (немесе 1,6 млн адамға) өскен.
