Сыртқы істер министрі Ермек Көшербаев Қатар мемлекетінің премьер-министрі – сыртқы істер министрі шейх Мұхаммед бен Абдулрахман Әл Таниға көңіл айту жеделхатын жолдады, - деп хабарлайды aqshamnews.kz.
Хатта Ермек Көшербаев Қатар Әмірі кеңсесі қызметкерлерінің Шарм-эш-Шейх қаласы маңында жол-көлік апатынан қаза болуына байланысты Қазақстан халқының және өзінің шынайы көңілін білдірген.
Министр марқұмдардың аймақтық бейбітшілік пен тұрақтылықты қамтамасыз ету ісіне қосқан зор үлесін атап өтті. Сондай-ақ ол Қазақстанның Қатармен арадағы стратегиялық серіктестікті жоғары бағалайтынын жеткізді.
Еске салайық, бұған дейін Египетте, Шарм-эш-Шейх маңында Қатар делегациясы мінген көлік апатқа ұшырағаны хабарланған. Делегация құрамында премьер-министрді Газа секторындағы жағдай жөніндегі келіссөздерге ертіп жүрген дипломаттар болған.
Қатардың үш дипломаты қаза тауып, тағы үш адам ауыр жарақат алған.