Жазғы аптап ыстық денсаулыққа, әсіресе белгілі бір топтағы адамдар үшін қауіпті болуы мүмкін дейді 36-емхананың жалпы тәжірибелік дәрігері Айтолқын Тұрсынбек.
Маманның айтуынша, тәуекел тобына егде жастағы адамдар кіреді, өйткені жас қосылған сайын дененің терморегуляция қабілеті төмендейді, бұл егде жастағы адамдарды ыстыққа осал етеді. Оларда жүрек-қантамыр және тыныс алу жүйесі сияқты созылмалы аурулар болуы ықтимал. Бұл аурулар жоғары температура кезінде асқынуы мүмкін.
Балалар мен сәбилер де қауіп тобына кіреді. Дәрігер атап өткендей, балаларда терморегуляция механизмі әлі толық дамымаған, бұл оларды температураның өзгеруіне сезімтал етеді. Нәрестелер әсіресе сусыздану және ыстық соғу қаупіне жиі ұшырайды.
Бұл санатқа созылмалы аурулары бар адамдар да кіреді. Мәселен, жүрек-қан тамырлары аурулары, қант диабеті, тыныс алу органдарының аурулары және басқа да созылмалы аурулары бар науқастар ыстық ауа райында асқыну қаупіне көбірек ұшырайды.
- Жоғары температура симптомдарды, жалпы денсаулықты нашарлатуы мүмкін.
Сондай-ақ жүкті әйелдерде сусыздану және стресс қаупі жоғары болады. - Жылу ана мен нәресте үшін шаршау, ісіну және басқа да асқынуға әкелуі мүмкін.
Маман сырттағы жоғары температура кезінде сақталуы керек ұсыныстарды бөлісті.
"Суды жеткілікті мөлшерде ішу керек, бұл сусыздануды болдырмайды. Дене белсенділігін, әсіресе өте ыстық кезде (әдетте 11:00-ден 16:00-ге дейін) шектеу керек. Жеңіл, бос киім киген дұрыс. Қызып кетуді болдырмау үшін мақта немесе зығыр сияқты табиғи матадан жасалған киім киіңіз. Теріңізді зиянды ультракүлгін сәулелерден қорғау үшін қалпақ, күннен қорғайтын көзілдірік және жоғары SPF крем жағыңыз», - деп кеңес береді Айтолқын ТҰРСЫНБЕК.
Осы қарапайым нұсқауларды орындау ыстық соғу және жылумен байланысты басқа да асқынуды болдырмауға көмектеседі.