17 қыркүйекте Алматы қаласының аумақтық сайлау комиссиялары жас және болашақ сайлаушыларға арналған эсселер, суреттер мен бейнероликтердің тақырыптық конкурстарын өткізді. Іс-шаралар Қазақстан Республикасы Конституциясының 30 жылдығына орайластырылып, қаланың барлық аудандарында өтті.
Оқушылар мен студенттер өздерінің шығармашылық қабілеттерін көрсете білді, сайлаудың құқықтық мемлекет пен азаматтық қоғамды қалыптастырудағы маңыздылығы туралы өз пікірлерін білдірді. Барлығы 8 аудандық іс-шара өткізіліп, оған 227-нан астам жас және болашақ сайлаушылар қатысты. Іс-шараның мақсаты жастардың құқықтық мәдениеті мен азаматтық белсенділігін қалыптастыру.