Қарттар айлығы аясында Алматыдағы №11 Қалалық емханасы жүре алмайтын және жүруі қиын науқастарға, мүгедектерге және жалғызбасты зейнеткерлерге медициналық көмек ұйымдастыру бойынша акция өткізді.
Егде жастағы адамдарға диагностиканың қолжетімділігін қамтамасыз ету мақсатында емхана көлігі пациенттерді үйлерінен тексеріске жеткізіп, кейін кері апарып тастады. Барлық зерттеулер кезексіз жүргізілді. Пациенттер ультрадыбыстық зерттеу, ЭхоКГ, рентгенография, компьютерлік томографиядан өтіп, дәрігерлерден кеңес алды.
Акцияға науқастарды жол бойы алып жүрген әлеуметтік қызметкерлер де қатысты.
Қала тұрғындары мен олардың туыстары осындай шараның маңыздылығын атап өтіп, ұйымдастырушыларға қамқорлығы мен назарлары үшін алғыс айтты.
Мұндай бастамалар жалғызбасты зейнеткерлерге уақытылы тексерістен өтіп, медициналық қызметкерлер тарапынан қолдау алуына мүмкіндік беріп, медициналық көмектің сапасын арттыруға ықпал етеді.