Маңғыстау облысының прокуратурасымен кәсіпкерлік саласында мемлекеттік бақылау жүргізу барысында заңдылықтың сақталуына талдау жүргізілді.
Нәтижесінде әртүрлі уәкілетті органдардың лауазымды тұлғалары тарапынан тексерулерді негізсіз тағайындау және кәсіпкерлік қызметке заңсыз араласу бойынша 17 құқықбұзушылық деректері анықталды.
Қабылданған шаралардың нәтижесінде 17 лауазымды тұлға ӘҚБтК-нің 173 және 175-баптары бойынша әкімшілік жауаптылыққа тартылды.
Атап айтқанда, Ақтау қаласында, сондай-ақ Маңғыстау, Мұнайлы, Қарақия, Түпқараған және Бейнеу аудандарындазаңсыз тексерулер, қызметтер үшін төлем жасаудан негізсіз бас тарту, негізсіз талап арыздар беру, құжаттарды заңсыз алу және тексерулерді тіркеу тәртібін бұзу деректерін анықталды.
Прокуратура кәсіпкерлердің құқықтарының сақталуына бақылау жүргізуді одан әрі жалғастырып, әрбір анықталған бұзушылық бойынша тиісті прокурорлық ықпал ету шараларын қабылдайды.
Кәсіпкерлерді құқықтарыңыз бұзылған жағдайда Маңғыстау облысының прокуратурасына жүгінуге шақырамыз.