Жүрек-қан тамырлары ауруларының көзге анық білінбейтін белгілері барын білдіңіз бе? Бұл туралы кардиолог Оливер Гуттман айтып берді, - деп хабарлайды Аqshamnews.kz тілшісі "Доктор Питерге" сілтеме жасап.
Жүрек-қан тамырлары аурулары әлі күнге дейін өлім-жітімнің ең басты себептерінің бірі болып тұр. Сол себепті дер кезінде кардиологқа қаралу – өмірді сақтап қалуы мүмкін қадам.
Кардиолог Оливер Гуттман кинода жүрегі ауырған адамды әдетте драмаға толтырып көрсететінін айтты: кенеттен кеудесін қысып ұстайды, бүгіліп құлайды... Ал шынайы өмірде жүрек сырқаты бұлай емес, басқаша белгі беруі мүмкін.
Маман жүрегіңізді міндетті түрде тексертуге себеп болатын бірнеше қауіпті белгілерді атап өтті.
Қауіпті белгілер
Жүрек ауыруы әрдайым өткір сезілмейді. Кейде ол тек анда-санда пайда болатын қысым немесе кеудедегі қысылу сезімі түрінде білінеді.
Асқазандағы қыжыл не ас қорыту бұзылысына ұқсайтын белгілерді де елемеуге болмайды. Егер ол қол, мойын, жақ немесе арқа ауырса, бұл стенокардияның белгісі болуы ықтимал.
Егер жаттығудан кейін жеңіл ентігу қалыпты болса, қарапайым әрекеттерден кейін де дем жетпей қалу – қауіпті белгі.
«Мысалы, бұрын баспалдақпен оңай көтерілетінсіз, ал қазір қиналып қаласыз. Немесе үй ішінде жай ғана жүріп бара жатып ауа жетпейді, тіпті бауыңызды байлау үшін еңкейгенде тынысыңыз тарылады», – дейді дәрігер.
Тағы бір дабыл – тынымсыз шаршау мен әлсіздік. Демалып алсаңыз да, күшіңіз қалмаса, ыдыс жуу, дүкенге бару сияқты қарапайым шаруалар да шаршатса – дәрігерге қаралған жөн.
«Әсіресе әйелдерде қалыптан тыс шаршау жүрек ауруының ең ерте белгілерінің бірі болуы мүмкін. Көбіне ол кеуде ауырсынуынсыз байқалады», – деп ескертеді маман.
Энергия азайған сайын зейін қою да қиындайды.
Жүрек қағысының бұзылыстары
Жиі кездесетін тағы бір белгі – жүрек қағысының бұзылуы.
«Кеудеде дүрсіл естілмей қалуы немесе еш себепсіз қатты соға бастауы да назар аударуды қажет етеді. Мұндай құбылыс тыныштық күйінде де байқалуы мүмкін», – дейді дәрігер.
Сондай-ақ жүрегіңіз «қалтырап», «тоқтап қалғандай» сезілсе, бұл да тексерілуге себеп.
Тағы елемеуге болмайтын белгілер:
-
отырған күйде терең тыныс ала алмау;
-
түнде тұншығу ұстамалары;
-
ыңғайлы ұйықтау үшін қосымша жастық қажет болуы;
-
түшкіру мен жөтелдің жоғарыдағы белгілермен қатар жүруі.