قازاقستاندىقتاردىڭ كوبى اەس تۋرالى اقپاراتقا دەيىن ەلىمىزدىڭ كارتاسىندا مۇنداي اۋىلدىڭ بارىن دا بىلمەگەن.
اەس سالۋعا ءدال وسى اۋىلدىڭ تاڭدالۋى دا كەزدەيسوقتىق ەمەس. وتكەن عاسىردىڭ 1973 جىلى ماماندار بىرىگىپ زەرتتەۋ جاساعاننان كەيىن وسى ۇيعارىمعا كەلگەن.
«Alatau Aqparat» مەدياحولدينگىنە سۇقبات بەرگەن اتوم ءوندىرىسى سالاسىنىڭ مامانى، ونەركاسىپتىك تۇجىرىمدامانى ازىرلەۋشى ەرمەك قوجامسۇگىروۆءتىڭ ايتۋىنشا، «ۇلكەن» اۋىلىنىڭ «بالقاش» كولىنە جاقىن ورنالاسقاندىعى دا تاڭداۋعا سەبەپ بولعان.
«ۇلكەن» اۋىلى الداعى 2-3 جىلدا كادىمگى قالاعا اينالىپ شىعا كەلەدى، سەبەبى ول جەردە تەمىر جول، اۋەجاي، مەكتەپتەر مەن اۋرۋحانالار جانە قوسالقى قۇرىلىستار سالىنىپ، ينفراقۇرىلىمى داميدى. ءبىر عانا «ۇلكەن» اۋىلىندا اەس-تە 3 مىڭ ادام جۇمىس ىستەيتىن بولسا، ەلىمىز بويىنشا بۇل ستانسيانىڭ قۇرىلىمىن قامتاماسىز ەتەتىن 30-35 مىڭ مامان تارتىلادى. ءقازىر اەس-تىڭ قۇرىلىسىن سالۋمەن 20 مىڭ قازاقستاندىق اينالىسىپ جاتسا، ستانسيا اشىلعاننان كەيىن ماماندار سانى 40 مىڭعا جەتەتىن بولادى. سوندىقتان ءبىز اۋىل دەپ اتاپ جۇرگەنمەن، بۇل قالا دەۋگە ابدەن لايىقتى مەكەن»، دەدى ەرمەك قوجامسۇگىروۆ.