حالىقارالىق تۇركى اكادەمياسى باۋىرلاس مەملەكەتتەر تاۋەلسىزدىگىنىڭ جانە تۋىس ەلدەر ينتەگرسياسىنىڭ 30 جىلدىعىنا ارنالعان «تۇركى دۇنيەسى - 30» اتتى جيناقتى جارىققا شىعاردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
اتالعان كىتاپتا ءتۇبى ءبىر تۇركى ەلدەرى مەن حالىقتارى ىنتىماقتاستىعىنىڭ 30 جىلدىق بەلەسىندە ەلەۋلى ەڭبەك ەتكەن حاليل اكىندجي، گاسان گاسانوۆ، يسا گابيبەيلي، كانىبەك يمانالييەۆ، مۋرات دجۋماتايەۆ، كۇرشاد زورلۋ جانە تاعىدا باسقا كورنەكتى مەملەكەت جانە قوعام قايراتكەرلەرى، حالىقارالىق ۇيىم باسشىلارى مەن ەلشىلەرى، ساراپشىلارى مەن عالىمدارىنىڭ ەستەلىكتەرى جانە پايىمدى پىكىرلەرى جيناقتالعان. جىل بويى جۇرگىزىلگەن ساراپتامالىق جۇمىس مارەسىنە جەتىپ، ناتيجەسى ارنايى باسىلىم رەتىندە كوپشىلىك نازارىنا ۇسىنىلىپ وتىر.
قورىتىندى جيناقتاعى ماقالالارعا تۇركى مەملەكەتتەرىنىڭ ينتەگراسيالىق ۇدەرىستەرى، كوپتەگەن سالالار بويىنشا، سونىڭ ىشىندە عىلىمي-گۋمانيتارلىق ىنتىماقتاستىقتىڭ قايتا جاڭعىرۋى، قارقىندى دامۋى ارقاۋ بولعان.