600-گە جۋىق سايلاۋ ۋچاسكەسىندە ساۋالناما ءوتتى
ەxit poll ناتيجەسى بويىنشا 20 قاراشادا وتكەن ق ر پرەزيدەنتىنىڭ كەزەكتەن تىس سايلاۋى بارىسىندا سايلاۋشىلاردىڭ 85 پايىزدان استامى كانديدات قاسىم-جومارت توقايەۆقا داۋىس بەرگەن. بۇل تۋرالى «استانا» تەلەارناسىنىڭ تىكەلەي ەفيرىنەن AMANAT پارتياسى جانىنداعى قوعامدىق ساياسات ينستيتۋتى جاريالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اتالعان ينستيتۋت بۇگىن كۇنى بويى سايلاۋ ۋچاسكەلەرىنىڭ شىعا بەرىسىندە سايلاۋشىلار اراسىندا الەۋمەتتىك زەرتتەۋ - Exit poll وتكىزىپ، 70 مىڭنان استام ادامدى قامتىعان.
سونىمەن، exit-poll ناتيجەسى كەلەسىدەي:
قاسىم-جومارت توقايەۆقا – 85،52 پايىز؛
جيگۋلي دايرابايەۆقا – 2،67 پايىز؛
قاراقات ابدەنگە – 2،61 پايىز؛
مەيرام قاجىكەنگە – 2،43 پايىز؛
نۇرلان اۋەسبايەۆقا – 1،93 پايىز؛
سالتانات تۇرسىنبەكوۆاعا - 1،44 پايىز داۋىس بەرىلدى.
ال بارىنە قارسىمىن باعانىن 3،4 پايىزى بەلگىلەگەن.
ايتا كەتسەك، ەلىمىز اۋماعىندا 600-گە جۋىق سايلاۋ ۋچاسكەسىندە ساۋالناما ءوتتى. بۇل تۇرعىدا 74 قالا مەن 242 اۋىلدى ەلدى مەكەندە جۇرگىزىلدى. قازاقستاندىقتاردىڭ 67،71 پايىزى داۋىس بەرۋگە كەلگەن.
Exit poll - داۋىس بەرگەن سايلاۋشىلاردىڭ اراسىندا جاسىرىن ساۋالناما جۇرگىزۋدىڭ ءبىر ءتۇرى.
استانا ۋاقىتىمەن ساعات 20.00-دە ەلىمىزدىڭ 15 وڭىرىندە، ال ءدال ءقازىر اتىراۋ، اقتوبە، باتىس قازاقستان، قىزىلوردا جانە ماڭعىستاۋ وبلىستارىندا داۋىس بەرۋ اياقتالدى.
وسىلايشا، ەلىمىزدىڭ بارلىق وڭىرىندە اشىلعان 10 033 سايلاۋ ۋچاسكەسى جۇمىسىن توقتاتتى.
ءتورت وڭىردە سايلاۋشىلاردىڭ 80 پايىزدان استامى داۋىس بەردى.