قازاقستاندىق تەننيسشى ەلەنا رىباكينا الەمدىك رەيتينگ بويىنشا توكيو وليمپياداسىنا قاتىسۋ قۇقىعىن جەڭىپ الدى. ۇلتتىق وليمپيادالىق كوميتەتتىڭ رەسمي سايتىنا بەرگەن سۇقباتىندا ەلەنا الداعى جوسپارلارى تۋرالى ايتىپ بەردى.
«وليمپياداعا قاتىساتىنىم ءۇشىن وتە قۋانىشتىمىن. الەمدەگى ەڭ ءىرى سپورتتىق جارىستاردىڭ بىرىندە ەل نامىسىن قورعايتىنىم – ۇلكەن ابىروي. الدا «ۇلكەن دۋلىعا» ساناتىنداعى ۋيمبلدون ءتۋرنيرى كۇتىپ تۇرعاندىقتان، ەموسيانى تەجەۋگە تۋرا كەلەدى. ازىرگە وسى جارىستا ءساتتى ونەر كورسەتۋدى ماقسات ەتىپ وتىرمىن. رەيتينگ بويىنشا وليمپياداعا قاتىساتىندار قاتارىنا ەنەتىنىمدى ءبىلدىم. ءقازىر جىل باسىنداعى جاعدايعا قاراعاندا ءوزىمدى جاقسى سەزىنىپ ءجۇرمىن. ال توكيو تۋرالى بولجام ايتۋ قيىن. ويتكەنى، تالاپتارى مۇلدە بولەك جانە ىستىق، الىسقا ۇشۋعا تۋرا كەلەدى. كارانتيندىك شارالار دا بارلىق قاتىسۋشىلار ءۇشىن قيىنعا سوعادى. بارلىعى مەنىڭ ۋيمبلدونداعى قانشالىقتى الىسقا باراتىنىما بايلانىستى»، - دەيدى رىباكينا.
توكيو وليمپياداسىنا قاتىساتىن سپورتشىلار 2021 جىلدىڭ 7 ماۋسىمىنداعى اتر جانە WTA رەيتينگىنە ساي جاساقتالدى.