6 قاراشادا، «قازاۆتوجول» ۇلتتىق كومپانياسىنىڭ باسپا ءسوز قىزمەتى رەسپۋبليكالىق ماڭىزداعى جولداردا اۋا رايىنىڭ كۇرت ناشارلاعانىن حابارلادى، دەپ حابارلايدى Aqshamnews.kz ءتىلشىسى.
سينوپتيكتەردىڭ مالىمەتىنشە، اقمولا، شىعىس قازاقستان، سولتۇستىك قازاقستان، قاراعاندى، قوستاناي، پاۆلودار، اباي جانە جەتىسۋ وبلىستارىندا جاۋىن-شاشىن (جاڭبىر، قار) كۇتىلەدى. مۇنداي اۋا رايى كوكتايعاقتىڭ پايدا بولۋىنا، كورىنۋ قاشىقتىعىنىڭ ناشارلاۋىنا جانە جكو ءقاۋپىنىڭ ارتۋىنا اكەلۋى مۇمكىن.
«قازاۆتوجول» جۇرگىزۋشىلەرگە جىلدامدىقتى تومەندەتىپ، ءقاۋىپسىز قاشىقتىقتى ساقتاپ، جول قوزعالىسى قاۋىپسىزدىگى ەرەجەلەرىن قاتاڭ ۇستانۋدى ەسكەرتەدى. اسىرەسە كوپىرلەردە، ەڭىس-بولىمدەردە جانە مۇز ءقاۋپى جوعارى ۋچاسكەلەردە اسا مۇقيات بولۋ ۇسىنىلادى.
جولداردىڭ جاي-كۇيى تۋرالى جەدەل اقپارات الۋ ءۇشىن تاۋلىك بويى جانە تەگىن جۇمىس ىستەيتىن 1403 كولل-ورتالىعىنا حابارلاسۋعا بولادى. ديسپەچەرلەر جولدىڭ جابىق ۋچاسكەلەرى، بوگەلىستەر جانە اۋا رايى جاعدايى بويىنشا مالىمەت بەرەدى.