وتاندىق ماي ءونىم وندىرۋشىلەرى ەكسپورتتى ەۋروپا وداعى ەلدەرىنە كەڭەيتۋدە.
2026 جىلعى Gulfood حالىقارالىق ازىق-تۇلىك جانە سۋسىندار كورمەسى اياسىندا اۋىل شارۋاشىلىعى ءمينيسترى ايداربەك ساپاروۆتىڭ توراعالىعىمەن وتكەن دوڭگەلەك ۇستەل قورىتىندىسى بويىنشا مايلى داقىلدار وڭدەۋشىلەردىڭ ۇلتتىق قاۋىمداستىعى مەن ەستوندىق Aktsiaselts Letofin كومپانياسى اراسىنداعى ىنتىماقتاستىق مەموراندۋمىعا قول قويىلدى، - دەپ Aqshamnews.kz.
قۇجات قازاقستاننىڭ ماي ونىمدەرىن كەمىندە 5 ملن اقش دوللارى كولەمىندە ساتىپ الۋدى كوزدەيدى، بۇل قازاقستان مەن ەو ەلدەرى اراسىنداعى ساۋدا-ەكونوميكالىق بايلانىستى نىعايتۋدا ماڭىزدى قادام بولادى.
مايلى داقىلدار وڭدەۋشىلەردىڭ ۇلتتىق قاۋىمداستىعىنىڭ پرەزيدەنتى يادىكار يبراھيموۆتىڭ ايتۋىنشا، وتاندىق ماي ونىمدەرى ەۋروپا نارىعىندا سەنىمدى تۇردە ۇسىنىلعان.
«بۇگىنگى تاڭدا قازاقستان ەۋروپا وداعىندا كۇنباعىس شروتىن ەكسپورتتاۋ كولەمى بويىنشا ءۇشىنشى ورىن الادى. قول قويىلعان كەلىسىم تەك جەتكىزىلىمدەردى ارتتىرۋعا عانا ەمەس، سونىمەن قاتار بۇكىل سالانىڭ ەكسپورتتىق الەۋەتىن ايتارلىقتاي كەڭەيتۋگە مۇمكىندىك بەرەدى»، — دەدى ول.
قاۋىمداستىق باسشىسى سونىمەن قاتار پارسى شىعاناعى ەلدەرىنىڭ قازاقستان ونىمدەرىنە، اسىرەسە پرەميۋم دەڭگەيدەگى بوتەلكەلەنگەن كۇنباعىس مايىنا جوعارى قىزىعۋشىلىق تانىتىپ وتىرعانىن اتاپ ءوتتى. ونىڭ ايتۋىنشا، 2026 جىلى بىرنەشە ماي زاۋىتى ءونىمدى تازالاۋ جانە قاپتاۋ بويىنشا جاڭا جەلىلەردى ىسكە قوسۋدى جوسپارلاپ وتىر، بۇل ەكسپورتقا باعىتتالعان برەندتەردى جاساۋعا جانە قوسىمشا نارىقتىق سەگمەنتتەردى يگەرۋگە مۇمكىندىك بەرەدى.