قازاقستاندا مايمىل شەشەگىن جۇقتىرۋدىڭ بىردە-بىر جاعدايى تىركەلگەن جوق.
بۇل تۋرالى ق ر دەنساۋلىق ساقتاۋ مينيسترلىگىنەن ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ق ر باس سانيتارلىق دارىگەرى - دەنساۋلىق ساقتاۋ ۆيسە-مينيسترى ايجان ەسماعامبەتوۆانىڭ ايتۋىنشا، مەملەكەتتىك شەكارا ارقىلى وتكىزۋ ورىندارىندا سانيتارلىق-كارانتيندىك باقىلاۋ جۇرگىزىلىپ جاتىر، ونىڭ ىشىندە قاشىقتان تەرمومەتريا بار. مايمىل شەشەگى (monkeypoxes – MPXV) – سيرەك كەزدەسەتىن جۇقپالى اۋرۋ. قىزبا، جالپى ينتوكسيكاسيا جانە ەكزانتەمانىڭ پايدا بولۋىمەن سيپاتتالادى (قىزارۋ).
ينكۋباسيالىق كەزەڭ – 5-21 كۇن. ناۋقاستا دەنە قىزۋىنىڭ جوعارىلاۋى، دەنەنىڭ اۋىرۋى، السىزدىك، بورتپە، قۇسۋ، ليمفا تۇيىندەرىنىڭ ۇلعايۋى، باس اينالۋى بايقالادى. اۋرۋدىڭ ۇزاقتىعى 2-3 اپتا. مايمىل شەشەگى اۋرۋىن جابايى جانۋارلار تاراتادى: پريماتتار مەن كەمىرگىشتەر (تيىندەر). سونداي-اق ينفەكسيا ناۋقاستىڭ قانى نەمەسە ونىڭ بيولوگيالىق سۇيىقتىعى ارقىلى، اۋرۋ جانۋاردىڭ ەتىن قولدانۋ سالدارىنان جۇعۋى مۇمكىن.
2022 جىلدىڭ 20 مامىرىندا دۇنيەجۇزىلىك دەنساۋلىق ساقتاۋ مينيسترلىگى كونگودا جىل باسىنان بەرى مايمىل شەشەگىنىڭ 1،2 مىڭ جاعدايى تىركەلگەنىن حابارلادى. ددۇ-نىڭ الدىن الا مالىمەتى بويىنشا، افريكا قۇرلىعىنان تىس الەمنىڭ 14 ەلىندە (يسپانيا، پورتۋگاليا، ۇلىبريتانيا، بەلگيا، كانادا ، گەرمانيا، يتاليا، اۆستراليا، نيدەرلاندى، اقش ، يزرايل، فرانسيا، شۆەيساريا ، شۆەسيا) 110 جاعداي انىقتالدى.
ق ر باس سانيتارلىق دارىگەرى جازعى كانيكۋل جانە دەمالىس ماۋسىمىنىڭ باستالۋىنا وراي شەت ەلدەرگە شىعاتىن قازاقستاندىقتار ءۇشىن كەلەسىدەي كەڭەسىن بەردى: 1) مايمىل شەشەگىنىڭ ءورشۋى تىركەلگەن باتىس افريكا ەلدەرىنە (كونگو دەموكراتيالىق رەسپۋبليكاسى، كونگو رەسپۋبليكاسى، كامەرۋن، ورتالىق افريكا رەسپۋبليكاسى، نيگەريا، كوت-د ' يۆۋار، ليبەريا، سەررا-لەونە، گابون جانە وڭتۇستىك سۋدان) بارۋدان اۋلاق بولىڭىز (اسىرەسە بالالارمەن) بارۋدان باس تارتۋ؛ 2) شەت ەلدەرگە شىققان جاعدايدا جابايى جانۋارلارعا (پريماتتارعا، كەمىرگىشتەرگە) تايانباۋ، بەي-بەرەكەت ساۋدا ورىندارىندا جانە كوشەدە تاماقتانباۋ. تاماققا تەك تەرميالىق وڭدەلگەن ەتتى (ازىق-تۇلىكتى) پايدالانۋ؛ 3) ادامدار كوپ جينالاتىن ورىندارعا بارعان كەزدە جەكە پروفيلاكتيكا (قاشىقتىق، ماسكالار، انتيسەپتيكتەر) شارالارىن پايدالانۋ. قول گيگيەناسىن ساقتاۋ؛ 4) ساپارلاردان ورالعاننان كەيىن 3 اپتا ىشىندە مازاسىزدىق، قىزبا، بورتپە (قىزارۋ، كوپىرشىكتەر جانە تاعى باسقا) بايقالسا – شەتەلدە بولعانىڭىز تۋرالى مىندەتتى تۇردە حابارلاي وتىرىپ، جاقىن ماڭداعى مەديسينالىق مەكەمەگە دەرەۋ جۇگىنۋ.